ខេត្ដតាកែវ៖តាមសេចក្ដីរាយការណ៍ពីប្រជាពលរដ្ឋនៅក្នុងស្រុកអង្គរបុរីបានឱ្យដឹងថាភាពអនាធិបតេយ្យនៃការបើកលេងល្បែងស៊ីសងខេត្ដតាកែវ ៖ តាមសេចក្ដីរាយការណ៍ ពីប្រជាពលរដ្ឋនៅក្នុង ស្រុកអង្គរបុរី បានឱ្យដឹងថា ភាពអនាធិបតេយ្យ នៃការបើកលេងល្បែងស៊ីសង បៀរ អាប៉ោង យូគី កន្ទុយលេខ ដែលមានឈ្មោះ គី ប៊ុនរ៉ា និងឈ្មោះ មេដា ជាមេធំប្រចាំភូមិសាមគ្គី ឃុំអង្គរបុរី នៅចំណុចសាលា វិទ្យាល័យសាមគ្គី ចម្ងាយ ប្រហែល ១០០ម៉ែត្រ ឈៀងខាងជើងខ្លោងទ្វារ សាលាវិទ្យាល័យ នៅក្នុងទីតាំងដីឡូត៍មួយកន្លែង បង្ក ឱ្យមានផលប៉ះពាល់ ចំពោះការសិក្សារបស់សិស្ស និស្សិត គេពុំដែលឃើញអាជ្ញាធរ ឬសមត្ថកិច្ចពាក់ព័ន្ធ ធ្វើការចុះបង្ក្រាបនោះទេ ។
ការបើកលេងល្បែងស៊ីសង បានយ៉ាងរលូន ដែលមានឈ្មោះ គី ប៊ុនរ៉ា និង លោក មេដា ជាមេល្បែងស៊ីសងដុះស្លែនេះ អាចមានការឃុបឃិត ពីអាជ្ញាធរ និងសមត្ថកិច្ចប៉ូលិស ជាអ្នកបើកភ្លើង ខៀវឱ្យមេល្បែងទាំងពីរនាក់នេះ ធ្វើអ្វីៗតាមតែទំនើងចិត្ត ទើបពួកគេមិនខ្លាចញញើត ដល់សមត្ថ កិច្ចពាក់ព័ន្ធនោះឡើយ ។ វង់ល្បែងស៊ីសងដូចជា បៀរ អាប៉ោង យូគី កន្ទុយលេខ ហ្គេម ខុសច្បាប់ទាំងនេះ ត្រូវបានលោក គី ប៊ុនរ៉ា និងលោក មេដា ដែលជាមេធំៗដុះស្លែ អួតអាងប្រាប់ដល់ ក្រុមញៀនល្បែងទាំងអស់ថា ពួកគេបង់លុយឲ្យ ក្រុមមន្ត្រីគ្រប់ជាន់ថ្នាក់ អស់ហើយ។
លោក គី ប៊ុនរ៉ា និងលោក មេដា បានប្រកាសអញ្ជើញ ក្រុមអ្នកញៀនល្បែង ទៅលេងក្នុងទីតាំងរបស់ពួកគេ ដោយមិនចាំបាច់ភ័យខ្លាចអ្វីទេ អាចអង្គុយលេងល្បែងគ្រប់ប្រភេទ យ៉ាងត្រជាក់ចិត្ដទៀតផង។ ពីព្រោះអាជ្ញាធរ និងសមត្ថកិច្ចប៉ូលិស ប៉េអឹម ត្រូវបានពួកគេរត់ការ បង់លុយឱ្យអស់ហើយ តាំងពីថ្នាក់ឃុំ រហូតដល់ថ្នាក់ខេត្ដឯណោះ ។ ករណីបើកឱ្យមានល្បែងស៊ីសង តាមរយៈការឃុបឃិត ពីអាជ្ញាធរ និងសមត្ថកិច្ចប៉ូលិស ព្រមទាំងប៉េអឹម យ៉ាងគគ្រឹកគគ្រេងបែបនេះ ផ្ទុយពីគោលនយោបាយ ភូមិ-ឃុំមានសុវត្ថិភាព គួរឲ្យព្រួយបារម្ភបំផុត ។
ភាពអសកម្មរបស់អាជ្ញាធរ និងសមត្ថកិច្ចក្នុងការ បង្ក្រាបទៅលើវង់ល្បែងស៊ីសង របស់លោក គី ប៊ុនរ៉ា និងលោក មេដា ប្រចាំស្រុកអង្គរបុរីនេះ បង្កឱ្យមានអំពើចោរឆក់ ចោរលួច ចោរប្លន់ និងអំពើហិង្សាក្នុងគ្រួសារ កើនឡើងជារៀងរាល់ថ្ងៃ ធ្វើឱ្យប្រជាពលរដ្ឋមានការភ័យខ្លាច យ៉ាងខ្លាំង ។ ប្រជាពលរដ្ឋរស់នៅក្នុងស្រុកអង្គរបុរី ខេត្ដតាកែវ បានសំណូមពរដល់លោក ស្រី បេន អភិបាលខេត្ដតាកែវ មេត្ដាចុះទៅពិនិត្យមើល ភាពអនាធិបតេយ្យ នៃការបើកឱ្យលេង ល្បែងស៊ីសង ដោយមានការឃុបឃិតពីអាជ្ញាធរ និងសមត្ថកិច្ចប៉ូលិស ប៉េអឹមនេះផងទាន ដើម្បីឱ្យប្រជាពលរដ្ឋ មានជំនឿទៅលើគោលនយោបាយ ភូមិ -ឃុំមានសុវត្ថិភាព និងកំណែទម្រង់ថ្មីរបស់រាជរដ្ឋាភិបាលប ៕ ដោយ ព្រះច័ន្ទ
Source from: watphnom-news.com
Loading...
Post a Comment