ខេត្តព្រះសីហនុ៖បុរសជនជាតិវៀតណាមម្នាក់ត្រូវបានកម្លាំងសមត្ថកិច្ចការិយាល័យប្រឆាំងបទល្មើសជួញដូរគ្រឿងញៀននៃស្នងការដ្ឋាននគរបាលខេត្តព្រះសីហនុ ខេត្តព្រះសីហនុ ៖ បុរសជនជាតិវៀតណាមម្នាក់ ត្រូវបានកម្លាំងសមត្ថកិច្ច ការិយាល័យប្រឆាំងបទល្មើស ជួញដូរគ្រឿងញៀន នៃស្នងការដ្ឋាន នគរបាលខេត្តព្រះសីហនុ ធ្វើការឃាត់ខ្លួន កាលពីវេលាម៉ោង ៧និង៤៥ នាទីយប់ ថ្ងៃទី១៤ ខែតុលា ឆ្នាំ២០១៣ នៅចំណុចលំនៅដ្ឋាន ជនសង្ស័យស្ថិតក្នុងក្រុមទី៩ ភូមិ៣ សង្កាត់លេខ៣ ក្រុងព្រះសីហនុ ពីបទលក់ និងចែកចាយគ្រឿងញៀន។
លោកវរសេនីយ៍ទោ សាន់ ប៊ុនថន ប្រធានការិយាល័យ ប្រឆាំងបទល្មើស ជួញដូរគ្រឿងញៀន បានឲ្យដឹងថា ក្រោមបទបញ្ជាយ៉ាងម៉ឺងម៉ាត់ លោកឧត្តមសេនីយ៍ តាក វណ្ណថា និងក្រោមការស៊ើបអង្កេត យ៉ាងល្អិតល្អន់រួចមក កម្លាំងរបស់លោក បានចុះធ្វើការឃាត់ខ្លួនជនសង្ស័យម្នាក់ ដោយបានឆែកឆេរ រកឃើញ ថ្នាំញៀន ប្រភេទមេតំហ្វេតាមីន ICE ចំនួន ៧ កញ្ចប់ ថ្នាំញៀន wy ចំនួន ១០គ្រាប់។
ជនសង្ស័យមានឈ្មោះ ដុងចូវ ហៅ អ៊ុក អាយុ ៥៩ ឆ្នាំ ជនជាតិវៀតណាម មានទីលំនៅក្រុមទី៦ សង្កាត់ទី១៥ ក្រុងហូជីមិញ បច្ចុប្បន្នស្នាក់នៅផ្ទះជួលក្រុមទី៩ ភូមិ៣ សង្កាត់លេខ៣ ក្រុងព្រះសីហនុ មុខរបររត់ម៉ូតូឌុបខណៈដែល បុរសរូបនោះ កំពុងធ្វើសកម្មភាព ចែកចាយគ្រឿងញៀន៕
Source from: watphnom-news.com
Loading...
Post a Comment