កំពុងដោះដូរថ្នាំញៀន ចំនួន ៣៨៧គ្រាប់ នៅមុខចំណតរថយន្តសូជីញ ត្រូវប៉ូលីសឃាត់ខ្លួន
ខេត្តបន្ទាយមានជ័យ៖កម្លាំងប៉ូលិសបង្ក្រាបគ្រឿងញៀនបានឃាត់ខ្លួនបុរសម្នាក់ពេលកំពុងដោះដូរថ្នាំញៀនកាលពីរសៀលថ្ងៃទី១៣ខែមីនាឆ្នាំ២០១៤ខេត្តបន្ទាយមានជ័យ ៖ កម្លាំងប៉ូលិសបង្ក្រាបគ្រឿងញៀន បានឃាត់ខ្លួនបុរសម្នាក់ ពេលកំពុងដោះដូរថ្នាំញៀន កាលពីរសៀលថ្ងៃទី១៣ ខែមីនា ឆ្នាំ២០១៤ នៅចំណុចទល់មុខ ចំណតរថយន្តសូជីញ ស្ថិតនៅភូមិអណ្ដូងថ្មមាស សង្កាត់ផ្សារកណ្តាល ក្រុងប៉ោយប៉ែត។
ជនសង្ស័យមានឈ្មោះ យក់ សាត់ អាយុ ៤៥ឆ្នាំ រស់នៅភូមិសុភី ឃុំសុភី ស្រុកអូរជ្រៅ ខេត្តបន្ទាយមានជ័យ ហើយមុនពេលកើតហេតុ ឈ្មោះ យក់ សាត់ បានទិញថ្នាំញៀនចំនួន ២កញ្ចប់ពណ៌ខៀវ ដោយក្នុងមួយកញ្ចប់ មានចំនួន ២០០ គ្រាប់ឯណោះ។ តែពេលយកមករាប់ជាក់ស្តែង ឃើញតែចំនួន ៣៨៧ គ្រាប់ប៉ុណ្ណោះ។
ថ្នាំញៀននេះ គឺជនសង្ស័យបានទៅទិញ ពីបក្ខពួកផ្សេងទៀតក្នុងដីថៃ ត្រង់ចំណុចស្រុកគោកធ្យូង ខេត្តស្រះកែវ ប្រឈមជាមួយឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។ បច្ចុប្បន្នទាំងវត្ថុតាងថ្នាំញៀន និងមនុស្ស កម្លាំងកំពុងរៀបចំ កសាងសំណុំរឿង បញ្ជូនទៅតុលាការចាត់ការតាមនីតិវិធី និងបន្តស្រាវជ្រាវរកបក្ខពួក មកផ្តន្ទាទោសតាមច្បាប់៕
Source from: watphnom-news.com
Loading...
Post a Comment