ក្រុមហ៊ុនរកស៊ីលួចបន្លំចំណូលពន្ធធំៗ ភាគច្រើននៅក្រោមក្លៀក របស់លោក ប៉ែន សំអាត មិនដែលព្រឺរោមជើង ពីកំណែទម្រង់ស៊ីជម្រៅ
រាជធានីភ្នំពេញ៖កំណែទម្រង់ស៊ីជម្រៅក្នុងការប្រមូលពន្ធឲ្យបាន១០០ភាគរយលើការនាំចូលទំនិញគ្រប់ប្រភេទមិនទាន់ដំណើរការដោយរលូនល្អនិងមានប្រសិទ្ធភាពនៅឡើយទេរាជធានីភ្នំពេញ ៖ កំណែទម្រង់ស៊ីជម្រៅ ក្នុងការប្រមូលពន្ធឲ្យបាន ១០០ភាគរយ លើការនាំចូលទំនិញគ្រប់ប្រភេទ មិនទាន់ដំណើរការដោយរលូនល្អ និងមានប្រសិទ្ធភាពនៅឡើយទេ ក៏ព្រោះតែមន្ត្រីគយមួយចំនួន នៅក្រោមក្លៀករបស់លោក ប៉ែន សំអាត នៅតែមានសិទ្ធិអំណាចបង្កព្យុះភ្លៀង តាមតែអំពើចិត្តមិនដែលខ្វល់ខ្វាយ ពីកំណែទម្រង់ស៊ីជម្រៅ ម្តងណាឡើយ។ ដូចជាមនុស្សជំនិត និងជាជំនួយការផ្ទាល់ របស់លោក ប៉ែន សំអាត ម្នាក់មានក្របខ័ណ្ឌដល់ទៅ ២កន្លែង គឺមានក្របខ័ណ្ឌ ក្នុងអគ្គនាយកដ្ឋានគយផង និងមានក្របខ័ណ្ឌ ជាមន្ត្រីយោធាអង្គរក្សពាក់ផ្កាយមួយផង គេមិនដឹងថា អង្គភាពប្រឆាំងអំពើពុករលួយ មានឆន្ទៈក្នុងការស៊ើបអង្កេតពីបញ្ហានេះ ឲ្យស្របតាមកំណែទម្រង់ស៊ីជម្រៅ ឬក៏អត់នោះទេ។
ប្រភពពីក្រុមអ្នកតាមដាន កំណែទម្រង់ស៊ីជម្រៅរបស់គយ បានឲ្យដឹងថា ក្នុងការិយាល័យរបស់លោក ប៉ែន សំអាត កើតមានភាពអសកម្ម និងអំពើពុករលួយគួរឲ្យញាក់សាច់ ដូចជាក្រុមហ៊ុនរកស៊ីដឹកជញ្ជូនទំនិញធំៗ ប្រសិនបើចង់បានបុព្វសិទ្ធិពិសេស ក្នុងការបញ្ចុះតម្លៃពន្ធ ឬបន្ធូរបន្ថយ សម្រាប់ការបង់ពន្ធ ត្រូវតែសុំទំនាក់ទំនង ឬរកកិច្ចអន្តរាគមន៍ពីលោក ប៉ែន សំអាត ដូចដែលក្រុមឈ្មួញមួយចំនួន បានលើកឡើងថា ប្រសិនបើមានការផ្តល់ភ្លើងខៀវ ពីលោក ប៉ែន សំអាត ហើយនោះ គឺលោក លោក ប៉ែន ស៊ីម៉ន ដែលជាអគ្គនាយកគយ ចាំតែអូខេ ប៉ុណ្ណោះ។ ដូចដែលមន្ត្រីមួយចំនួន បានលើកឡើងថា ការិយាល័យរបស់លោក ប៉ែន សំអាត គឺជាសេនាធិការសំខាន់បំផុត សម្រាប់ប្រមូលផលប្រយោជន៍ ទៅផ្គត់ផ្គង់ឆ្នាំងបាយ របស់លោក ប៉ែន ស៊ីម៉ន ដែលជាអគ្គនាយក គយនិងរដ្ឋាករ។
លោក ប៉ែន សំអាត មានទេពកោសល្យក្នុងការ រកចំណូលផ្គាប់ចិត្តថ្នាក់លើ និងត្រូវជាបងបង្កើតរបស់ខ្លួន តាមរយៈការសម្របសម្រួល បិទភ្នែកឲ្យក្រុមអ្នករត់ឯកសារគយកាលីបៗ នាំចូលទំនិញតាមបែបមិនប្រក្រតី បង់ពន្ធមិនគ្រប់ ធ្វើឲ្យខាតបង់ចំណូលថវិកាជាតិ យ៉ាងច្រើនសន្ធឹកសន្ធាប់។ នៅពេលដែលលោក ប៉ែន ស៊ីម៉ន ទទួលបានសិទ្ធិយ៉ាងពិសេស ក្នុងការកាន់តំណែងជាអគ្គនាយកគយ មួយអាណត្តិជាបន្តទៀត ជាការធ្វើឲ្យលោក ប៉ែន សំអាត មានសិទ្ធិអំណាចបង្កព្យុះភ្លៀង តាមតែអំពើចិត្ត។ ក្រុមឈ្មួញមួយចំនួន បានលើកឡើងថា សម្រាប់ការងារសំខាន់ៗ ដែលត្រូវទំនាក់ទំនងដោយផ្ទាល់ ជាមួយលោក ប៉ែន ស៊ីម៉ន ដែលឈ្មួញសុំការយោគយល់ លើការបន្ធូរបន្ថយពន្ធ គឺមេដឹកនាំគយ តែងតែទម្លាក់ការងារនេះ ឲ្យលោក ប៉ែន សំអាត សម្របសម្រួល ដោះស្រាយបញ្ហាផ្ទៃក្នុង ដើម្បីបើកឲ្យមានការ បន្លំពន្ធនាំចូលទៅតាមបច្ចេកទេស។
មានការបញ្ជាក់ផងដែរថា បើមានភ្លើងខៀវពីលោក ប៉ែន សំអាត ក្រុមឈ្មួញអាចធ្វើអ្វីៗ តាមតែអំពើចិត្ត និងអាចនាំចូលទំនិញ បង់ពន្ធមិនគ្រប់ដោយរលូនល្អ គ្មាននរណាហ៊ានសួរនាំទេ សូម្បីតែគយនៅតាមច្រកព្រំដែន ឬគយចល័តប្រចាំការ នៅតាមផ្លូវជាតិ ឲ្យតែដឹងថាការដឹកជញ្ជូនទំនិញ របស់ឈ្មួញណាម្នាក់ មានការអន្តរាគមន៍ពីលោក ប៉ែន សំអាត គឺមិនហ៊ានប៉ះពាល់ទេ យ៉ាងច្រើនសុំត្រឹមតែលុយ ថ្លៃបាយបន្តិចបន្តួចប៉ុណ្ណោះ។ មានការបញ្ជាក់ផងដែរថា ក្រុមហ៊ុនធំៗដែលរកស៊ី ម៉ៅការដឹកជញ្ជូនទំនិញគ្រប់ប្រភេទ តាមរបៀបបង់ពន្ធមិនគ្រប់ ក្រោមក្រសែភ្នែករបស់ ជំនាញគយពុករលួយ សុទ្ធតែនៅក្រោមក្លៀករបស់លោក ប៉ែន សំអាត ទាំងអស់ ដែលរហូតមកដល់ពេលនេះ លោក ប៉ែន សំអាត នៅតែមានសិទ្ធិយ៉ាងធំធេង ក្នុងការបើកភ្លើងខៀវ ឲ្យជំនាញគយនៅច្រកព្រំដែនមួយចំនួន សម្របសម្រួលសម្រាប់ការនាំចូល ទំនិញមិនប្រក្រតី បង់ពន្ធមិនគ្រប់ មិនដែលខ្វល់ ពីកំណែទម្រង់អ្វីឡើយ។
កំណែទម្រង់ស៊ីជម្រៅ គួរតែចាប់ផ្តើមធ្វើការបោសសម្អាត ភាពអសកម្មនិងអំពើពុករលួយ ក្នុងការិយាល័យរបស់លោក ប៉ែន សំអាត ដែលជាសេនាធិការសំខាន់បំផុត ក្នុងការប្រមូលផលប្រយោជន៍ យកទៅផ្គត់ផ្គង់ឆ្នាំងបាយ របស់លោក ប៉ែន ស៊ីម៉ន ឡើងវិញជាបន្ទាន់ ព្រោះគេជឿជាក់ថា ក្រុមហ៊ុនរកស៊ីលួចពន្ធ បន្លំពន្ធធំៗសុទ្ធតែនៅក្រោមក្លៀក របស់លោក ប៉ែន សំអាត ទាំងអស់ ដូចជាក្រុមហ៊ុនរកស៊ីបន្លំពន្ធ របស់ក្រុមអ្នកម៉ៅការដឹកជញ្ជូនទំនិញ ក៏មានទំនាក់ទំនងយ៉ាងជិតដិត ជាមួយលោក ប៉ែន សំអាត ផងដែរ។ លើសនេះទៅទៀត មន្ត្រីគយពុករលួយជាច្រើន សុទ្ធសឹងជា សេនាធិការចាំប្រមូល ផលប្រយោជន៍ សម្រាប់ផ្គត់ផ្គង់ឆ្នាំងបាយរបស់លោក ប៉ែន សំអាត យ៉ាងរលូនល្អបំផុត មិនដែលក្រែងញញើត ពីចំណាត់ការរបស់អង្គភាព ប្រឆាំងអំពើពុករលួយ សូម្បីតែប៉ុនសសៃសក់៕
Source from: watphnom-news.com
Loading...
Post a Comment