ប្រទះឃើញគ្រោងឆ្អឹងមនុស្ស ទំនងត្រូវគេសម្លាប់ជាង ២ឆ្នាំ មកហើយក្បែរកាស៊ីណូផ្កាយ៥
ខេត្តបន្ទាយមានជ័យ៖គ្រោងឆ្អឹងមនុស្សមានលលាដ៍ក្បាលឆ្អឹងជំនីរឆ្អឹងដៃជើងត្រូវបានគេប្រទះឃើញនៅក្នុងព្រៃរបោះខាងជើងកាស៊ីណូផ្កាយ៥ខេត្តបន្ទាយមានជ័យ ៖ គ្រោងឆ្អឹងមនុស្ស មានលលាដ៍ក្បាល ឆ្អឹងជំនីរ ឆ្អឹងដៃជើង ត្រូវបានគេប្រទះឃើញនៅក្នុងព្រៃរបោះ ខាងជើងកាស៊ីណូផ្កាយ៥ ស្ថិតក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត កាលពីវេលាព្រឹកថ្ងៃទី១៥ខែមីនា ឆ្នាំ២០១៤ ហើយបើតាមសមត្ថកិច្ច ប៉ូលិសវរការពារព្រំដែនលេខ៩១១ បានឱ្យដឹងជំហានដំបូងថា គ្រោងឆ្អឹងសពនេះ ទំនងជាត្រូវគេសម្លាប់ រួចយកមកប្លុងចោល ប្រហែល ២ឆ្នាំ មកហើយ ។
ក្រោយពីបានប្រទះឃើញ គ្រោងឆ្អឹងសពមនុស្ស សមត្ថកិច្ចជំនាញ បានធ្វើការត្រួតពិនិត្យ ដោយសង្ស័យថា ជនរងគ្រោះអាចជាមនុស្សប្រុស ព្រោះមានឆ្អឹងដៃ ជើងៗ និងលលាដ៍ក្បាលធំ ហើយសាកសពនេះ ស្លាប់ប្រមាណ ២ឆ្នាំមកហើយ ។ គេមិនទាន់ស្គាល់ពីអត្តសញ្ញាណ ជនរងគ្រោះនៅឡើយទេ ហើយបើតាមការត្រួតពិនិត្យ គ្រោងឆ្អឹងសាកសព មានកម្ពស់ប្រមាណ ១,៨០ម៉ែត្រ។
គ្រោងឆ្អឹងជនរងគ្រោះ ដែលប្រទះឃើញនៅពេលនេះ អាចជាករណីឃាតកម្ម សម្លាប់រួចយកទៅផ្លុងចោល ក្នុងព្រៃល្បោះ ជាប់ស្រះទឹកខាងជើង កាស៊ីណូផ្កាយ៥ នៅកន្លែងកើតហេតុនោះតែម្តង ។ ក្រោយពេលសមត្ថកិច្ច ត្រួតពិនិត្យរួចរាល់ហើយនោះ គ្រោងឆ្អឹងរបស់ជនរងគ្រោះ ត្រូវបានយកទៅរក្សាទុក នៅទីវត្តអារាមមួយកន្លែង នៅក្រុងប៉ោយប៉ែត រងចាំក្រុមគ្រួសារដែលបានបាត់បងប្អូន ឲ្យមកពិនិត្យមើល និងយកទៅធ្វើបុណ្យ តាមប្រពៃណីផងដែរ ៕
Source from: watphnom-news.com
Loading...
Post a Comment