មន្ត្រីពេទ្យសត្វនិងម្ចាស់សត្តឃាត បង្ខំឲ្យអាជីវករពិឃាតសត្វ បង់លុយលើសពីការកំណត់
ខេត្តកំពង់ឆ្នាំង៖មន្ត្រីពេទ្យសត្វនិងម្ចាស់ទីសត្តឃាតបានកោសរូសបង្ខំឲ្យក្រុមអាជីវករប្រកបអាជីវកម្មកាប់គោក្របីកាប់ជ្រូកជាច្រើននាក់ខេត្តកំពង់ឆ្នាំង ៖ មន្ត្រីពេទ្យសត្វ និងម្ចាស់ទីសត្តឃាត បានកោសរូសបង្ខំឲ្យ ក្រុមអាជីវករប្រកបអាជីវកម្ម កាប់គោក្របី កាប់ជ្រូកជាច្រើននាក់ នៅតាមស្រុកនិងក្រុង ឲ្យបង់លុយតាមតែអំពើចិត្ត ដោយក្រុមអាជីវករបានត្អូញត្អែរថា មន្ត្រីជំនាញនិងឈ្មួញ បានឃុបឃិតគ្នាយកលុយ ពីការកាប់សត្វ និងការលក់ច្បាប់អាជីវកម្ម លើសការកំណត់ និងរឿងរ៉ាវខ្លះទៀត អង្គភាពពេទ្យសត្វស្រុក និងខេត្ត បានធ្វើខុសពីតួនាទីរបស់ខ្លួន ដែលច្បាប់បានកំណត់ ។
ក្រុមអាជីវករបាននិយាយថា ក្នុងប្រកាសក្រសួងហិរញវត្ថុ តម្លៃជ្រូកមួយក្បាល តម្រូវយកតែ ១៥០០ រៀលប៉ុណ្ណោះ តែមន្ត្រីពេទ្យតាមស្រុក និងក្រុង យក ៣០០០រៀល និងម្ចាស់ទីសត្វឃាត យកតម្លៃ ៥ពាន់រៀល ក្នុងមួយក្បាលៗ បូកជាមួយពន្ធ និងអនាម័យទៀតផង។ ចំពោះសត្វគោ ក្របីមួយក្បាល យកតម្លៃតែ ២០០០ រៀលទេ តែមន្ត្រីពេទ្យសត្វ យកដល់ទៅ ៤០០០ រៀល និងម្ចាស់ទីសត្វឃាត យក ៨៥០០ រៀលបន្ថែមទៀត។ ក្រុមអាជីវករនិយាយថា នេះរឿងមន្ត្រីពេទ្យសត្វ បានយកលើសតម្លៃកំណត់ ក្នុងប្រកាសរបស់ក្រសួង។ រឿងមួយទៀតគឺ មន្ត្រីពេទ្យសត្វខេត្ត បានលក់ច្បាប់អោយអាជីវករឆ្នាំថ្មីនេះ ក្នុងមួយច្បាប់តម្លៃ ៥ម៉ឺនរៀល សួរថាតើយកលុយនេះទៅណា! ព្រោះការលក់ច្បាប់ ធ្វើអាជីវកម្មនេះ តាមគេដឹងជា ភារកិច្ចរបស់មន្ទីរហិរញ្ញវត្ថុ ខេត្តនោះទេ ។
សម្រាប់អ្នកម៉ៅការ ឬអ្នកដែលដេញថ្លៃ បានធ្វើទីសត្វឃាត នៅគ្រប់ ស្រុក ក្រុង បានផុតកំណត់ នៅថ្ងៃទី៣១ ខែធ្នូ ឆ្នាំ២០១៣ ទៅហើយ ចុះហេតុអី មកដល់ពេលនេះ ពាក់កណ្តាលខែមីនា ទៅហើយ អ្នកម៉ៅការទាំងនោះ នៅតែបន្តធ្វើអាជីវកម្ម បានទៀត។ រឿងមួយទៀតគឺអ្នកម៉ៅការទីសត្វឃាត មិនអនុវត្តតាមគោលការណ៍ គឺរឿងអនាម័យ ជាក់ស្តែងនៅក្រុងកំពង់ឆ្នាំង ទឹកបូមយកមកប្រើប្រាស់ ក្នុងទីសត្វឃាត គឺជាទឹកកក្វក់ ដែលគេបានបូមចេញពីកូនថ្លុក តូចមួយ នៅក្នុងកន្លែងសត្តឃាត បង្កផលប៉ះពាល់ខ្លាំងសម្បើមណាស់៕
Source from: watphnom-news.com
Loading...
Post a Comment