អាងខ្លួនជាប៉ូលិសអន្តោប្រវេសន៍សក្តិ៥ បើកឡានប៉ះពារអ្នកដទៃ ហើយគំរាមឲ្យសុំទោស
រាជធានីភ្នំពេញ៖បុរសម្នាក់មានធំក្លិនស្រាហួងចង់ស្រវឹងទាំងអ្នកឈរជិតទៀតបានអះអាងថាខ្លួនជាប៉ូលិសអន្តោប្រវេសន៍ពាក់ស័ក្តិ៥បានបើករថយន្តទៅបុករថយន្តមួយគ្រឿងទៀតរាជធានីភ្នំពេញ ៖ បុរសម្នាក់មានធំក្លិនស្រាហួង ចង់ស្រវឹងទាំងអ្នកឈរជិតទៀត បានអះអាងថា ខ្លួនជាប៉ូលិសអន្តោប្រវេសន៍ ពាក់ស័ក្តិ៥ បានបើករថយន្តទៅបុក រថយន្តមួយគ្រឿងទៀត ហើយបាននិយាយថា គាត់បើករថយន្តត្រូវ ឯភាគីម្ខាងទៀតជាអ្នកខុស ត្រូវតែសុំទោសគាត់ បង្កឲ្យមានការភ្ញាក់ផ្អើល កាលពីវេលាម៉ោង ៨និង២០ នាទីយប់ថ្ងៃទី២៤ ខែមេសា ត្រង់ចំណុច គល់ស្ពានអាកាសស្ទឹងមានជ័យ តាមមហាវិថីព្រះមុនីរ៉េត សង្កាត់ទំនប់ទឹក ខណ្ឌចំការមន ។
សាក្សីបានឲ្យដឹងថា រថយន្តបង្កម៉ាក ហាយឡែនឌ័រ ពណ៌ទឹកប្រាក់ ពាក់ស្លាកលេខ ភ្នំពេញ 2X 1961 បើកបរដោយបុរសម្នាក់ អះអាងថារូបគាត់ជា ប៉ូលិសអន្តោប្រវេសន៍ពាក់សក្តិ៥ នៅជាប់នឹងខ្លួនមានធំក្លិនស្រា ធ្វើដំណើរពីលិចទៅកើត ស្របគ្នាជាមួយរថយន្តហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ 3C-2886 បើកបរដោយបុរសម្នាក់ មកដល់ចំណុចខាងលើរថយន្តបង្ក បើកជែងខាងស្តាំទៅកៀរ ធ្វើឲ្យធ្លាក់កាងមុខចំហៀងខាងស្តាំ ចំណែករថយន្តបង្កធ្លាក់កាងក្រោយ ចំហៀងខាងឆ្វេង ។
ក្រោយពេលកើតហេតុ អ្នកបើករថយន្តបង្ក បានចុះទៅរករឿង អ្នកបើករថយន្តហ៊ីយ៉ាន់ដាយ ថា បើករថយន្តអត់មើលឆ្វេងស្តាំ បើកទៅកៀររថយន្តរបស់គាត់ លុះពេលសមត្ថកិច្ចឃើញបែបនេះ បានប្រាប់ថា រថយន្តរបស់លោក ជាអ្នកបើកកៀររបស់គេទេ ធ្វើឲ្យអ្នកបើករថយន្តហាយឡែនឌ័រ ខឹងច្រឡោតសួរថា លោកអែងស័ក្កិប៉ុន្មាន ហ៊ានថា ឲ្យគាត់ផង ដឹងថាគាត់ជាប៉ូលិសអន្តោប្រវេសន៍ ពាក់សក្តិ៥ ហើយបានទូរស័ព្ទហៅកូនចៅ ៣ទៅ៤ នាក់ មកជួយអន្តរាគមន៍ រីឯអ្នកបើករថយន្តហ៊ីយ៉ាន់ដាយ សារតែមិនចង់មានរឿងវែងឆ្ងាយ បានសុំទោសដើម្បីបញ្ចប់រឿង បើករថយន្តយកទៅ ជួសជុលរៀៗខ្លួន ៕
Source from: watphnom-news.com
Loading...
Post a Comment