រាជធានីភ្នំពេញ ៖ ដោយសារលង់ស្នេហ៍ ជាមួយស្រីខ្ទើយ ងើបមុខមិនរួច បានជំរុញឲ្យស្ដ្រីកូន២ ដែលមានប្ដីទៅធ្វើការ នៅប្រទេសកូរ៉េម្នាក់ ដើរស៊ីចាយ សប្បាយហ៊ឺហា រហូតដល់ហ៊ានប្រព្រឹត្ដបទល្មើស ខ្ចីម៉ូតូអ្នកស្គាល់គ្នាយកទៅបញ្ចាំ ក៏ត្រូវម្ចាស់ម៉ូតូតាមទាន់ ចាប់ប្រគល់ឱ្យសមត្ថកិច្ច ចាត់ការតាមច្បាប់ កាលពីវេលាម៉ោង ២និង៣០ នាទីរសៀល ថ្ងៃទី០៧ ខែតុលា ឆ្នាំ២០១៣ ស្ថិតនៅម្ដុំ ផ្សារមាន់អាំង ក្នុងទឹកដីខណ្ឌទួលគោក។
ស្ដ្រីសង្ស័យមានឈ្មោះ ពេជ្រ សុផានី អាយុ ៣២ឆ្នាំ មានកូន ២ នាក់នៅក្នុងបន្ទុក និងមានប្ដីទៅធ្វើការជាកម្មករនៅប្រទេសកូរ៉េ បច្ចុប្បន្នស្នាក់នៅផ្ទះជួល មានមុខរបរ ជាអ្នករត់តុ នៅក្នុងហាងអាន់ឈ័រ១ ដែលមានទីតាំង នៅតាមផ្លូវលេខ ២០០២ ក្នុង សង្កាត់ទឹកថ្លា ខណ្ឌសែនសុខ។ ចំណែកម្ចាស់ ម៉ូតូឈ្មោះ កែវ វឿន អាយុ ៣៨ឆ្នាំ ស្នាក់នៅផ្ទះជួល ក្នុងសង្កាត់ស្ទឹងមានជ័យ ហើយម៉ូតូដែលស្ដ្រីសង្ស័យបោកយកទៅបញ្ចាំនោះ ម៉ាកស៊ុយស៊ុយគីស្មាស់ ស៊េរីឆ្នាំ២០១៣។
ឈ្មោះ ពេជ្រ សុផានី បានសារភាពថា នាងពិតជាបានយកម៉ូតូរបស់ឈ្មោះ កែវ រឿន យកទៅបញ្ចាំ កាលពីថ្ងៃទី១៩ ខែតុលា កន្លងទៅ នៅម្ដុំឃ្លាំងរំសេវ បានប្រាក់ចំនួន ៥៥០ដុល្លារ យកលុយ ដើរស៊ីចាយ អស់ហើយជាមួយនឹងប្រុសស្នេហ៍ ដែលខ្លួនស្រឡាញ់ ដែលជាស្រីតែងខ្លួនធ្វើជាប្រុស ។ ដោយសារលង់ស្នេហ៍ងើបមុខមិនរួច ឈ្មោះ ពេជ្រ សុផានី បានទៅជួលផ្ទះ នៅជាមួយស្រីខ្ទើយនោះ ដូចប្ដីប្រពន្ធហើយ គិតតែពីដើរផឹកស៊ីចាយ អស់លុយក៏ដើរបោកគេតែម្ដងទៅ ៕
Source from: watphnom-news.com
Loading...
Post a Comment