ខេត្តក្រចេះ៖ក្រុមចោរប្រដាប់ដោយពូថៅដៃនិងកាំភ្លើងAKស្វាយបត់មួយដើមបានធ្វើសកម្មភាពភ្ជង់ប្លន់វាយបំបែកកញ្ចក់ទូមាសខេត្តក្រចេះ ៖ ក្រុមចោរប្រដាប់ដោយពូថៅដៃ និងកាំភ្លើង AK ស្វាយបត់មួយដើម បានធ្វើសកម្មភាពភ្ជង់ប្លន់ វាយបំបែកកញ្ចក់ទូមាស របស់អាជីវករលក់មាស និងប្តូរប្រាក់នៅផ្សារកាបី កាលពីវេលាម៉ោង ៦ព្រឹកថ្ងៃទី១០ ខែវិច្ឆិកា ក្នុងភូមិគ្រញូងសែនជ័យឃុំឃ្សឹម ស្រុកស្នួល ខេត្តក្រចេះ ប្រមូលយកគ្រឿងអលង្ការអស់ជាច្រើនតម្លឹង លុយខ្មែរ និងលុយដុល្លារមួយចំនួនធំ រួចរត់គេចខ្លួនបាត់ដោយសុវត្ថិភាព។
ជនរងគ្រោះមានឈ្មោះ ថា ស្រស់ អាយុ ២៥ឆ្នាំ និងប្រពន្ឋឈ្មោះ ភី សុខា អាយុ ២៥ឆ្នាំ មានស្រុកកំណើតនៅស្រុកត្បូងឃ្មុំ ខេត្តកំពង់ចាម បានមកស្នាក់នៅប្រកបរបរ លក់មាសនិងប្តូរប្រាក់ នៅផ្សារកា បី ក្នុងភូមិគ្រញូងសែនជ័យ ឃុំឃ្សឹម ស្រុកស្នួល។ សម្ភារៈដែលបាត់បង់មានមាសទម្ងន់ ១ជី ប្លាទីនជិត ១០តម្លឹង ប្រាក់ដុល្លារ ១ពាន់ដុល្លារ លុយខ្មែរ ៤លានរៀល និងលុយដុង ១លានដុង។
ជនសសង្ស័យក្នុងសកម្មភាពប្លន់នេះ មានគ្នាពីរនាក់ប្រដាប់ដោយអាវុធ AK កាត់ស្វាយ១ដើម និងពូថៅដៃ១ បានមកធ្វើសកម្មភាពភ្ជង់ប្លន់ វាយបំបែកកញ្ចក់ទូមាស របស់អាជីវករអ្នកលក់មាស និងប្តូរប្រាក់ពីរនាក់ប្តីប្រពន្ធ នៅក្នុងផ្សារកាបី រួចប្រមូលយករបស់របរទាំងអស់ ខណៈដែលជនរងគ្រោះ កំពុងតែរុញទូមាសចេញមកដាក់ខាងមុខ ហើយជនសង្ស័យបានធ្វើសកម្មភាព ភ្ជង់ប្លន់តែរយះពេលជាង ១៥នាទីតែប៉ុណ្ណោះ ៕
Source from: watphnom-news.com
Loading...
Post a Comment