ខេត្តកណ្ដាល៖រថយន្ដកូរ៉េចំណុះ២,៥តោនដឹកអង្កររបស់ក្រុមហ៊ុនកាមីនកូដែលមានទីតាំងនៅផ្សារចាស់បានបើកបុកនិងកិនសិស្សប្រុសស្រីខេត្តកណ្ដាល ៖ រថយន្ដកូរ៉េចំណុះ ២,៥ តោនដឹកអង្ករ របស់ក្រុមហ៊ុនកាមីនកូ ដែលមានទីតាំងនៅផ្សារចាស់ បានបើកបុកនិងកិនសិស្សប្រុសស្រី ២ នាក់រៀននៅអនុវិទ្យាល័យ ហ៊ុនសែន សេរីភាព ក្រុងតាខ្មៅ បណ្តាលឲ្យបែកក្បាលធ្លាយខួរ បែកថ្លើម ស្លាប់ភ្លាមៗនៅលើទ្រូងផ្លូវ យ៉ាងអាណោចអាធ័មជាទីបំផុត ខណៈដែលពួកគេកំពុង អង្គុយលើម៉ូតូនៅចិញ្ចឹមផ្លូវខាងស្តាំដៃ មុខសាលារៀនកាលពីវេលាម៉ោង ២និង២០ នាទី រសៀលថ្ងៃទី១១ ខែវិច្ឆិកា ឆ្នាំ២០១៣ នេះ។
យោងតាមប្រភពព័ត៌មាន ពីសមត្ថកិច្ចមូលដ្ឋានបានបញ្ជាក់ថា ជនរងគ្រោះទាំង ២ នាក់ ទី១-ឈ្មោះប៊ុន សៀកលាង ភេទប្រុស អាយុជាង ១០ឆ្នាំ និងជនរងគ្រោះទី២-ឈ្មោះ ពៅ ធីតា អាយុជាង ១០ ឆ្នាំ រៀននៅអនុវិទ្យាល័យសេរីភាព ។ ជនរងគ្រោះទាំង ២ នាក់រួមជាមួយមិត្ដភក្ដិ ៤-៥ នាក់ផ្សេងទៀត បានអង្គុយលើម៉ូតូ នៅខាងមុខសាលា ហើយក៏ត្រូវរថយន្ដបង្ក បានមកដល់បុកពួកគេនិង កិនស្លាប់ភ្លាមៗតែម្ដង។
ដោយឡែកអ្នកបើកបរ រថយន្តបង្កហេតុត្រូវប្រជាពលរដ្ឋ ឡោមព័ទ្ធចាប់បាន ប្រគល់ឲ្យសមត្ថកិច្ច ដើម្បីចាត់ការបន្ត។ សាកសពត្រូវបានសមត្ថកិច្ច ប្រគល់ជូនក្រុមគ្រួសារយកទៅធ្វើបុណ្យ តាមប្រពៃណីរៀងៗខ្លួន ៕
Source from: watphnom-news.com
Loading...
Post a Comment