រាជធានីភ្នំពេញ៖បុរសម្នាក់រួមជាមួយស្រីស្នេហ៍សប្បាយប្រលែងលូកលាន់គ្នាបើករថយន្ដមិនប្រយ័ត្នជ្រុលទៅបុកក្បាលថ្មចែកទ្រូងផ្លូវបាក់អស់មួយកង់បណ្តាលឲ្យអ្នកជិះរាជធានីភ្នំពេញ ៖ បុរសម្នាក់រួមជាមួយស្រីស្នេហ៍ សប្បាយប្រលែងលូកលាន់គ្នា បើករថយន្ដមិនប្រយ័ត្ន ជ្រុលទៅបុកក្បាលថ្ម ចែកទ្រូងផ្លូវបាក់អស់មួយកង់ បណ្តាលឲ្យអ្នកជិះ នៅក្នុងរថយន្ដរងរបួសទាំង ២ នាក់កាលពីវេលាម៉ោង ៨និង១០ នាទីយប់ថ្ងៃទី២៧ ខែវិច្ឆិកា ឆ្នាំ២០១៣ នៅតាមផ្លូវជាតិលេខ ២ ក្នុងភូមិទួលរកា សង្កាត់ចាក់អង្រែក្រោម ខណ្ឌមានជ័យ ។
រថយន្ដបង្កម៉ាក មីតស៊ុយប៊ីហ្ស៊ី ពណ៌ខៀវ ពាក់ស្លាកលេខ ភ្នំពេញ 2B-8175 ហើយក្រោយពេលកើតហេតុ អ្នកបើកបររួមនឹងស្រីស្នេហ៍ បានលូនចេញ ពីរថយន្ដទាំងមាន ស្នាមរបួស រួចក៏ឡើងជិះម៉ូតូឌុប រត់គេចខ្លួនបាត់ ដោយបន្សល់ទុករថយន្ដ នៅកន្លែងកើតហេតុ ត្រូវសមត្ថកិច្ចស្ទូចយកទៅ រក្សាទុកនៅ ការិយាល័យ នគរបាលចរាចរណ៍ក្រុង ដើម្បីរងចាំការដោះស្រាយ ។
មុនពេលគ្រោះថ្នាក់កើតឡើង រថយន្ដបង្កបានបើកបរ ក្នុងទិសដៅពីក្រុងតាខ្មៅ ចូលមករាជធានីភ្នំពេញ ហើយស្ដ្រីម្នាក់ដែលជិះក្នុងរថយន្ដ បានប្រឡែងលេង ជាមួយប្រុសស្នេហ៍ ដែលកំពុងបើករថយន្ដ ។ ពេលកំពូងបើកជែង ម៉ូតូមួយគ្រឿងនៅពីមុខ ក៏ជ្រុលទៅបុកក្បាលថ្ម ចែកទ្រូងផ្លូវរបើកអស់មួយកង់ ហើយរថយន្ដក៏ក្រឡាប់ផ្ងារជើង ។ ក្រោយពេលកើតហេតុអ្នក បើកបរបានលូនចេញ ពីរថយន្ដទាំងមាន ស្នាមរបួស រួចក៏ឡើងជិះម៉ូតូឌុប រត់គេចខ្លួនបាត់៕
Source from: watphnom-news.com
Loading...
Post a Comment