ទៅហូបការបងប្អូនហើយបន្តទៅផឹកស៊ី ជាមួយមិត្តភក្តិស្រវឹងជោកជាំ បើកឡានធ្លាក់ទន្លេវៃកូ
ខេត្ដស្វាយរៀង៖គ្រូពេទ្យធ្មេញម្នាក់ពេលចេញពីហូបការបាននាំប្រពន្ធកូននិងម្ដាយចូលផ្ទះហើយបើករថយន្តបង្ហួសទៅលេងមិត្ដភក្ដិនិងផឹកស៊ីស្រវឹងខេត្ដស្វាយរៀង ៖ គ្រូពេទ្យធ្មេញម្នាក់ ពេលចេញពីហូបការ បាននាំប្រពន្ធកូន និងម្ដាយចូលផ្ទះ ហើយបើករថយន្តបង្ហួស ទៅលេងមិត្ដភក្ដិនិងផឹកស៊ីស្រវឹង ក៏ជ្រុលល្បឿនធ្លាក់ចូល ទៅក្នុងទឹកទន្លេវ៉ៃកូ តែសំណាងល្អមិនមាន គ្រោះថ្នាក់ដល់អាយុជីវិត បង្កឲ្យមានការភ្ញាក់ផ្អើល កាលពីវេលាម៉ោង ៥និង៣០ នាទីល្ងាចថ្ងៃទី១៥ ខែមករា ឆ្នាំ២០១៤ ស្ថិតនៅចំណុចទន្លេវ៉ៃកូ ក្នុងភូមិសាលាស្រុកចាស់ សង្កាត់ព្រៃឆ្លាក់ ក្រុង-ខេត្ដ ស្វាយរៀង ។
សមត្ថកិច្ចមិនបានប្រាប់ឱ្យដឹង ពីអត្ដសញ្ញាណរបស់បុរស ដែលបើករថយន្ដ ធ្លាក់ទន្លេនេះទេ គ្រាន់តែ ដឹងថា ជនរងគ្រោះជាពេទ្យធ្មេញ ធ្វើដំណើរពីភ្នំពេញ ទៅហូបការនៅខេត្ដស្វាយរៀង ។ មុនពេលកើតហេតុ ជនរងគ្រោះបានធ្វើដំណើរ តាមរថយន្ដ កាមរីបាឡែន ពណ៌ស ពាក់ស្លាកលេខ ភ្នំពេញ 2W-8885 បើកពីត្បូងទៅជើង ក្នុងល្បឿនលឿន លុះដល់ចំណុចផ្លូវបំបែកជា៣ ឡើងផ្លូវជាតិលេខ១ ជនរងគ្រោះមិនបានបត់ឆ្វេង ឬក៏បត់ស្ដាំ គឺបើកទៅត្រង់បណ្ដាលឱ្យ ធ្លាក់ចូលទន្លេតែម្ដង ។ ភ្លាមៗនោះប្រជាពលរដ្ឋ ដែលបានឃើញហេតុការណ៍ នាំគ្នាទូរស័ព្ទប្រាប់សមត្ថកិច្ច ឱ្យមកជួយទាញទ្វារ រថយន្ដ ជួយសង្គ្រោះអ្នកបើកបរ ឲ្យរួចពីគ្រោះថ្នាក់ផងដែរ ។
ជនរងគ្រោះ បានទៅហូបការ បងប្អូនជីដូនមួយ នៅភូមិព្រះទន្លេ សង្កាត់សង្ឃ័រ ក្រុង-ខេត្ដ ស្វាយរៀង ហើយបន្ទាប់មក ក៏បានដឹកប្រពន្ធនិងកូន ទៅដាក់នៅផ្ទះឪពុកក្មេក នៅភូមិតាហោ សង្កាត់ពោធិ៍តាហោ ក្រុង-ខេត្ដ ស្វាយរៀង ហើយជនរងគ្រោះ បានបើករថយន្ដម្នាក់ឯង ក្នុងបំណងទៅជួបមិត្ដភក្ដិ នៅក្រុងស្វាយរៀង ដើម្បីផឹកស៊ីបន្ដទៀត ។ បន្ទាប់ពីផឹកស៊ីស្រវឹង ជោកជាំហើយនោះ ជនរងគ្រោះបាន បើករថយន្ដ ត្រឡប់មកផ្ទះវិញ ក៏ជ្រុលធ្លាក់ទន្លេវ៉ៃកូ តែម្ដងទៅ ៕
Source from: watphnom-news.com
Loading...
Post a Comment