ដណ្តើមប្តីបានសម្រេចហើយ ប្តឹងឲ្យចាប់ប្រពន្ធដើមដាក់ឃុំ រឿងវាយតប់គ្នាបាត់ខ្សែក
ខេត្តកណ្តាល៖ស្ត្រីម្នាក់ត្រូវបានសមត្ថកិច្ចនគរបាលស្រុកមុខកំពូលសហការជាមួយនគរបាលប៉ុស្តិ៍រដ្ឋបាលព្រែកអញ្ចាញឃាត់ខ្លួនកាលពីវេលាម៉ោងខេត្តកណ្តាល ៖ ស្ត្រីម្នាក់ត្រូវបាន សមត្ថកិច្ចនគរបាល ស្រុកមុខកំពូល សហការជាមួយនគរបាលប៉ុស្តិ៍រដ្ឋបាល ព្រែកអញ្ចាញ ឃាត់ខ្លួនកាលពីវេលាម៉ោង ១៦និង៤០ នាទី ថ្ងៃទី២៤ ខែមីនា ឆ្នាំ២០១៤ នៅចំណុចខាងមុខ ផ្សារព្រែកអញ្ចាញស្ថិតក្នុងភូមិ-ឃុំ ព្រែកអញ្ចាញ ស្រុកមុខកំពូល ខេត្តកណ្តាល បញ្ជូនទៅកាន់អធិការដ្ឋាន នគរបាលស្រុក ដោយអនុវត្តតាមដីកាបង្គាប់ឲ្យចាប់ខ្លួន របស់សាលាដំបូងខេត្តកណ្តាល ពីបទលួចមានស្ថានទម្ងន់ ។
ជនត្រូវចោទដែលត្រូវបានឃាត់ខ្លួន មានឈ្មោះ ញ៉ឹង ភាព ភេទស្រី អាយុ ៣៦ឆ្នាំ មុខរបរលក់ភ្លៅមាន់បំពង មានទីលំនៅក្នុងភូមិក្រោម ឃុំព្រែកអញ្ចាញ ស្រុកមុខកំពូល ។ ជនត្រូវចោទត្រូវបានលោក ស៊ិន វីរៈ ចៅក្រមស៊ើបសួរ នៃសាលាដំបូងខេត្តកណ្តាល ចេញដីកាបង្គាប់ឲ្យចាប់ខ្លួន លេខ០២៤ ចុះថ្ងៃទី២៣ ខែមករា ឆ្នាំ២០១៤ ដោយចោទប្រកាន់ ពីបទលួចមានស្ថានទម្ងន់ ដែលបានប្រព្រឹត្តកាលពីថ្ងៃទី១៨ ខែមិថុនា ឆ្នាំ២០១៣ នៅភូមិក្រោម ឃុំព្រែកអញ្ចាញ ស្រុកមុខកំពូល ខេត្តកណ្តាល ។
តាមអង្គហេតុបានបញ្ជាក់ថា កាលពីថ្ងៃទី១៨ ខែមិថុនា ឆ្នាំ២០១៣ ជនត្រូវចោទបានធ្វើការប្រតាយប្រតប់គ្នា ជាមួយស្ត្រីម្នាក់ ឈ្មោះ នួន នឹម នៅភូមិក្រោម ឃុំព្រែកអញ្ចាញ ស្រុកមុខកំពូល ដែលត្រូវជាប្រពន្ធចុង របស់ប្តីគាត់ រហូតធ្វើឲ្យជ្រុះបាត់ ខ្សែ.កមួយខ្សែ របស់ស្ត្រីជាប្រពន្ធចុង ទើបមានការដាក់ពាក្យបណ្តឹង នៅប៉ុស្តិ៍រដ្ឋបាលព្រែកអញ្ចាញ តែកាលណោះសមត្ថកិច្ច នគរបាលប៉ុស្តិ៍ បានធ្វើការសម្របសម្រួល ចប់សព្វគ្រប់អស់ហើយ ។ ស្រាប់តែស្ត្រីជាប្រពន្ធចុង បានបន្តដាក់ពាក្យបណ្តឹង នៅសាលាដំបូង ខេត្តកណ្តាល ជាថ្មីទៀត ទើបតុលាការសម្រេច ចោទប្រកាន់ស្ត្រីជាប្រពន្ធដើម ពីបទលួចមានស្ថានទម្ងន់តែម្តងទៅ ៕
Source from: watphnom-news.com
Loading...
Post a Comment