ពិតជាអមនុស្សធម៌ ដាច់ចិត្តយកកូនទៅបោះបង់ចោល បណ្តាលឲ្យស្លាប់យ៉ាងវេទនា
ខេត្តបាត់ដំបង៖ប្រជាពលរដ្ឋបានប្រទះឃើញសពទារកភេទប្រុសដែលទើបនឹងកើតមានរុំក្រណាត់មិនដឹងជាអាណាព្យាបាលឬគ្រូពេទ្យយកទៅបោះបង់ចោលខេត្តបាត់ដំបង ៖ ប្រជាពលរដ្ឋបានប្រទះឃើញ សពទារកភេទប្រុស ដែលទើបនឹងកើត មានរុំក្រណាត់មិនដឹងជា អាណាព្យាបាល ឬគ្រូពេទ្យយកទៅបោះបង់ចោល នៅក្នុងប្រឡាយទឹក ត្រូវថ្ងៃបណ្តាលអោយស្លាប់យ៉ាងវេទនា កាលពីវេលាម៉ោង២រសៀលថ្ងៃទី១៤ ខែមីនា ឆ្នាំ២០១៤ នៅចំណុចខាងជើង វត្តរស្មីសាមគ្គី ទួលដូនប៉ុក ប្រហែល ៧០ម៉ែត្រ ស្ថិតក្នុងភូមិអញ្ចាញ សង្កាត់អូរចារ ក្រុងបាត់ដំបង។
ប្រជាពលរដ្ឋនៅក្បែរកន្លែងកើតហេតុ បានឱ្យដឹងថា ទារកខាងលើទើបនឹងកើត ហើយទំនងគេយកមកបោះចោលកាលពីព្រឹក ដោយមានរុំក្រណាត់ជិត និងមានសម្ភារៈពេទ្យ ដូចជាស៊ីរាំង សេរ៉ូម ប្រអប់ថ្នាំ ហើយទារកប្រុស ធុននិងកំដៅ អាកាសធាតុមិនបាន ទើបបណ្តាលឱ្យស្លាប់តែម្តង ។ ទារកនោះមានអវៈយវៈ ល្អគ្រប់សពទាំងអស់ សម្បុរសមានទំងន់ ១.៨ គីឡូក្រាម ហើយការដែលយកក្មេងប្រុស មកបោះបង់ចោលនេះ មិនដឹងជាអាណាព្យាបាល ឬជាគ្រូពេទ្យនោះទេ ដែលបណ្តាលអោយក្មេង ស្លាប់ទាំងវេទនា៕
Source from: watphnom-news.com
Loading...
Post a Comment