បុរសពោះម៉ាយឡើងដើមស្វាយកម្ពស់ ៧ម៉ែត្រ ធ្លាក់បាក់កស្លាប់ចោលកូនតូចៗ ៥នាក់
ខេត្តកណ្តាល៖បុរសពោះម៉ាយម្នាក់បានឡើងដើមស្វាយកម្ពស់៧ម៉ែត្រដើម្បីបេះផ្លែស្វាយយកមកហូបតែជាអកុសលពេលកំពុងបេះក៏បានជាន់ប៉ះចំមែកស្វាយពុកខេត្តកណ្តាល ៖ បុរសពោះម៉ាយម្នាក់ បានឡើងដើមស្វាយ កម្ពស់ ៧ម៉ែត្រ ដើម្បីបេះផ្លែស្វាយយកមកហូប តែជាអកុសលពេលកំពុងបេះ ក៏បានជាន់ប៉ះចំមែកស្វាយពុក បណ្តាលឲ្យបាក់ធ្លាក់មកដីស្លាប់ ស្លាប់ភ្លាមៗមួយរំពេច កាលពីវេលាម៉ោង ៦និង៣០ នាទីព្រឹក ថ្ងៃទី១០ ខែឧសភា ឆ្នាំ២០១៤ ស្ថិតក្នុងភូមិទួលសង្កែ ឃុំកំពង់កុង ស្រុកកោះធំ ខេត្តកណ្តាល ។
ជនរងគ្រោះដែលធ្លាក់ ពីលើដើមស្វាយស្លាប់ មានឈ្មោះ ប៊ី ធូ អាយុ ៥៦ឆ្នាំ ជាបុរសពោះម៉ាយកូន ៥នាក់ មានទីលំនៅ ក្នុងភូមិ-ឃុំ កើតហេតុខាងលើ ។ នៅមុនពេលកើតហេតុ វេលាម៉ោង ៦ព្រឹក ថ្ងៃទី១០ ខែឧសភា ឆ្នាំ២០១៤ ជនរងគ្រោះ បានកាន់បាវពណ៌សមួយ ដើរចេញពីផ្ទះសំដៅ ទៅខាងក្រោយភូមិ ហើយបានឡើងលើ ដើមស្វាយរបស់អ្នកជិតខាង មួយដើមដែលមាន កម្ពស់ ៧ទៅ៨ម៉ែត្រ ។
ពេលជនរងគ្រោះឡើង ជិតដល់ចុងដើមស្វាយទៅហើយ ក៏បានជាន់ប៉ះចំមែកស្វាយ ប៉ុនកដៃដែលពុកផុយ ធ្វើឲ្យបាក់ធ្លាក់មកលើដី បណ្តាលឲ្យស្លាប់ភ្លាមៗ នៅនឹងកន្លែងកើតហេតុ ហើយប្រជាពលរដ្ឋ បានរាយការណ៍មក សមត្ថកិច្ចនគរបាល ដើម្បីធ្វើការត្រួតពិនិត្យ និងកោសល្យវិច្ច័យ ។ នៅលើខ្លួនប្រាណ សាកសពជនរងគ្រោះ គ្មានស្លាកស្នាមអ្វីធំដុំនោះទេ គឺ មានឈាមចេញ តាមរន្ធត្រចៀក និងតាមរន្ធច្រមុះ៕
Source from: watphnom-news.com
Loading...
Post a Comment