រាជធានីភ្នំពេញ៖មានហេតុការណ៍គ្រោះថ្នាក់ចរាចរណ៍មួយបានកើតឡើងកាលពីវេលាម៉ោង៩និង៥០នាទីយប់ថ្ងៃទី២៨ខែកញ្ញាឆ្នាំ២០១៣រាជធានីភ្នំពេញ ៖ មានហេតុការណ៍គ្រោះថ្នាក់ចរាចរណ៍មួយបានកើតឡើង កាលពីវេលាម៉ោង៩ និង៥០នាទីយប់ ថ្ងៃទី២៨ ខែកញ្ញា ឆ្នាំ២០១៣ ដែលបង្កឡើងដោយម៉ូតូ២គ្រឿង បានបើកបុកគ្នាពេញទំហឹងនៅតាម បណ្តោយផ្លូវជាតិលេខ៤ ទល់មុខសាលាសង្កាត់ចោមចៅ ស្ថិតក្នុងភូមិព្រៃព្រីងត្បូង សង្កាត់ចោមចៅ ខណ្ឌពោធិ៍សែនជ័យ បណ្តាលឲ្យយុវជនម្នាក់ស្លាប់បាត់បង់ជីវិត និង២នាក់ទៀតរងរបួសធ្ងន់ ស្រាល។
បើតាមប្រភពព័ត៌មានពីសមត្ថកិច្ចបានឲ្យដឹងថា ជនរងគ្រោះដែលបានស្លាប់បាត់បង់ជីវិតមានឈ្មោះ ធឿង សំណាង ភេទប្រុស អាយុ២៨ឆ្នាំ ជាកម្មកររោងចក្រ ស្នាក់នៅភូមិអង្គ សង្កាត់កន្ទោក ខណ្ឌពោធិ៍សែនជ័យ បានស្លាប់បាត់បង់ជីវិតក្រោយពេលបញ្ជូនដល់មន្ទីរពេទ្យ ចំណែកម្នាក់ទៀតឈ្មោះ អាត់ យ៉ាទិត្យ ភេទប្រុស អាយុ៣០ឆ្នាំ ស្នាក់នៅភូមិជាមួយគ្នា មានស្រុកកំណើតភូមិតាគាំ ឃុំតាភេម ស្រុកត្រាំកក់ ខេត្តតាកែវ រងរបួសធ្ងន់។ ចំណែកបុរសម្នាក់ទៀតរងរបួសស្រាល មិនត្រូវបានស្គាល់អត្តសញ្ញាណនោះទេ។
ប្រភពដដែលបានបន្តឲ្យដឹងទៀតថា មុនពេលកើតហេតុគេបានឃើញជនរងគ្រោះ២នាក់ ជិះម៉ូតូម៉ាក សេ ១២៥ ពណ៌ខ្មៅ ស៊េរីឆ្នាំ២០០៩ មួយគ្រឿង ពាក់ស្លាកលេខ កណ្តាល 1G-2956 ឌុបគ្នាក្នុងល្បឿនយ៉ាងលឿន។ ខណៈពេលមកដល់ចំណុចកើតហេតុ ស្រាប់តែជ្រុលទៅបុកម៉ូតូមួយគ្រឿងទៀត ម៉ាកស្មាសរ៉េវូ ពណ៌ខ្មៅ ស៊េរីឆ្នាំ២០០៨ មួយគ្រឿងទៀត ពាក់ស្លាកលេខ ភ្នំពេញ 1Z-1001 បើកបរដោយបុរសម្នាក់ ពេញទំហឹង បណ្តាលឲ្យភាគីខាងម៉ូតូ សេ១២៥ បានស្លាប់ម្នាក់ រងរបួសធ្ងន់ម្នាក់ ចំណែកខាងភាគីម៉ូតូស្មាស បានរងរបួសស្រាល។
បន្ទាប់ពីកើតហេតុ គេសង្កេតឃើញសមត្ថកិច្ចមូលដ្ឋានបានចុះទៅអន្តរាគមន៍ដើម្បីធ្វើការវាស់វែង និងបានទំនាក់ទំនងហៅរថយន្តសង្គ្រោះ មកដឹកយកអ្នករបួសទៅធ្វើការព្យាបាលនៅមន្ទីរពេទ្យ។ ប៉ុន្តែដោយសារតែស្ថានភាពធ្ងន់ធ្ងរពេក ទើបបណ្តាលជនរងគ្រោះម្នាក់បានស្លាប់បាត់បង់ជីវិតនៅក្នុងមន្ទីរពេទ្យ។ ចំណែកម៉ូតូទាំង២គ្រឿង ត្រូវបានសមត្ថកិច្ចយកទៅរក្សាទុកជាបណ្តោះអាសន្ន ដើម្បីរង់ចាំធ្វើការដោះស្រាយនៅពេលក្រោយ៕
Source from: watphnom-news.com
Loading...
Post a Comment