ភ្ញាក់ផ្អើល​នឹង​ ដួង ហ្សូ​រី​ដា តារា​សិល្បៈ​ខ្មែរ​ មានកូន

រាជធានីភ្នំពេញ៖ ប៉ុន្មានថ្ងៃនេះ មានភាពភ្ញាក់ផ្អើលមួយបានកើតឡើងហើយសំណួរជាច្រើនក៏មានជាបន្តបន្ទាប់ក្រោយពីឃើញកញ្ញា ដួង ហ្សូរីដា តារាដ៏មានប្រជាប្រិយរូបនេះបានបង្ហាញរូបកូនប្រុសឬស្រីដ៏ទ្រលុកទ្រលន់គួរឲ្យស្រឡាញ់ និងគ្រឺតក្នាញ់នោះ។ អ្នកខ្លះសរសើរថាស្អាត អ្នកខ្លះសួរថាតើជាកូនសំណព្វចិត្តឬ? មានកូនហើយ រៀបការពីអង្កាល់?

តាមបណ្តាញសង្គមហ្វេសប៊ុកកាលពីថ្ងៃពុធ គណនីហ្វេសប៊ុកឈ្មោះ Zorida Doung Fan Page ដែលមានអ្នកចុចចូលចិត្ត like 8497 គេឃើញកញ្ញា ដួង ហ្សូរីដា មានបីកូនតូចមួយខ្ទង់អាយុមិនដល់មួយខួបទេ តែមានរូបរាងស្អាតសមរម្យ មានសម្បុរសម្បកស្រដៀងនាងផងដែរ ហើយនាងថ្នាក់ថ្នមបីទំនងដូចជាម្តាយនិងកូអ៊ីចឹង។ បន្ទាប់ពីមិត្តម្នាក់សរសើរនាងថាស្អាត នាងគ្យូត នាងស្រស់សោភាដូចតួហុងកុង នាងមានមន្តស្នេហ៍ ក៏មានមួយចំនួនសួរនាងថា ជាកូនអ្នកឬ? ស្របពេលអ្នកខ្លះសួរថា តើរៀបការពីពេលណានោះ។

គេពុំដឹងថា តើទារិកាឬទារករូបនេះជាកូននាងឬយ៉ាងណាទេ ប៉ុន្តែរាល់សំណួរខាងលើ មិនមានចម្លើយតបពីម្ចាស់គណនីហ្វេសប៊ុក Zorida Doung Fan Page ឬគណនីហ្វេសប៊ុកផ្ទាល់ខ្លួននាងដាក់ឈ្មោះថា Zorida Doung ក៏មិនមានប្រតិកម្មយ៉ាងណានោះដែររហូតមកដល់ថ្ងៃសុក្រ ទី២០ កញ្ញានេះ។

បញ្ហានេះបង្កការមន្ទិលសង្ស័យពីបណ្តាមិត្តភក្តិតាមបណ្តាញហ្វេសប៊ុក ក៏ដូចជាទស្សនិកជនជាច្រើន។ សង្ឃឹមថា កញ្ញា ដួង ហ្សូរីដា ដែលក្រសោបបានភាពល្បីល្បាញស្ទើរដល់កំពូលនៃភិភពសិល្បៈនឹងបកស្រាយចម្ងល់ទាំងនេះជាមិនខាន។ កញ្ញា ដួង ហ្សូរីដា បានក្លាយជាតារាស្រីជើងចាស់លេចធ្លោមួយដួងដែលទទួលការកោតសរសើរពីទស្សនិកជនក្នុង និងក្រៅប្រទេស។

នៅកម្មវិធីអាណាចក្រតារា២០១៣ ស្ថិតនៅក្នុងសម្លៀកបំពាក់បែបប្រពៃណីខ្មែរ ពិធីការិនីដ៏មានឥទ្ធិពលប្រចាំស្ថានីយទូរទស្សន៍អាស៊ីអាគ្នេយ៍ និងជាប្រធានក្រុមតារាបង្ហាញម៉ូដ Cambodia Super Models កញ្ញា ដួង ហ្សូរីដា បានបង្ហាញសម្រស់យ៉ាងស្រស់សោភា នៅលើកម្រាលព្រំក្រហម និងនៅលើវេទិកា ជាទីដែលនាងប្រគល់ពានពិធីករមានប្រជាប្រិយភាពប្រចាំឆ្នាំ នៃកម្មវិធីអាណាចក្រតារា ២០១៣។

ក្នុងនាមជាតារាស្រីជើងចាស់ដ៏មានប្រជាប្រិយភាព កញ្ញា ដួង ហ្សូរីដា បានធ្វើឲ្យមហាជនជាច្រើនកោតសរសើរពីការស្លៀកពាក់ថា ស័ក្ដិសមជានារីខ្មែរពិតប្រាកដមែន៕