ក្រុមតំណាងរាស្ត្រទាំង៥៥រូប របស់គណបក្សសង្រ្គោះជាតិ បានសម្រេចចិត្ត នឹងមិនចូលរួមប្រជុំរដ្ឋសភាអាណត្តិទី៥ នាថ្ងៃទី២៣ កញ្ញាខាងមុខនេះជាដាច់ខាត។ ការសម្រេចចិត្តនេះបានធ្វើឡើងបន្ទាប់ពី គណបក្សសង្គ្រោះជាតិរៀបចំកិច្ចប្រជុំ ជាមួយក្រុមអ្នកតំណាងរាស្ត្រជាប់ឆ្នោតរបស់គណបក្សសង្គ្រោះជាតិ នៅថ្ងៃសៅរិ៍នេះ។
លោក កឹម សុខា បានមាននិយាយថា បេក្ខជនជាប់ឆ្នោតតំណាងរាស្រ្តទាំងអស់របស់គណបក្សសង្រ្គោះជាតិនឹង សរសេរលិខិតទូលថ្វាយព្រះមហាក្សត្រ អំពីជំហររបស់ខ្លួនថា មិនចូលរួមប្រជុំសភា និង ស្នើសុំឲ្យព្រះមហាក្សត្រ ពន្យារពេលប្រជុំរដ្ឋសភា លើកដំបូង ដើម្បីដោះស្រាយបញ្ហាទាក់ទងភាពមិនប្រក្រតី នៃការបោះឆ្នោត អៅយរួចរាល់សិន។ លោក កឹម សុខាបានបន្តថា ការសម្រេចចិត្តរបស់តំណាងរាស្រ្តបក្ស គ្មានការបង្ខិតបង្ខំនោះទេ គឺ ឲ្យបេក្ខជនជាប់ឆ្នោតតំណាងរាស្ត្រម្នាក់ៗ ធ្វើការសម្រេចចិត្តដោយខ្លួនឯង។
គួរបញ្ជាក់ថា បើទោះបីជាកិច្ចប្រជុំ រវាងថ្នាក់ដឹកនាំកំពូល គណបក្សធំទាំង២ ក្រោមព្រះរាជធិបតីភាពព្រះមហាក្សត្រក៏ដោយ ក៏គណបក្សសង្គ្រោះជាតិ នៅតែប្រកាន់ជំហរធ្វើពហិការមិនចូលរួមប្រជុំសភា និង ធ្វើមហាបាតុកម្មដដែល។
ដូច្នេះគេកំពុងរង់ចាំមើលថា តើកិច្ចប្រជុំចរចារវាងថា្នក់ដឹកនាំកំពូលគណបក្សទាំង២ជាថ្មីម្តងទៀត នៅថ្ងៃច័ន្ទខាងមុខ អាចនឹងធ្វើអោយគណបក្សសង្គ្រោះជាតិផ្លាស់ប្តូរជំហរដែរទេ?ដោយ យ៉ាន់ លីណា
Source from: Vayofm
Loading...
Post a Comment