គណបក្សប្រជាជនកម្ពុជា និង គណបក្សសង្រ្គោះជាតិ បានចេញសេចក្តីថ្លែងការណ៍រួម ស្តីលទ្ធផលកិច្ចប្រជុំកំពូលដើម្បីពិភាក្សា និងរកដំណោះស្រាយ ចំពោះបញ្ហាប្រទេសជាតិ កាលពីព្រឹកមិញ។ សេចក្តីថ្លែងការណ៍បានបង្ហាញលទ្ធផល ៣ចំណុច៖
១.ភាគីទាំង២ បានឯកភាពគ្នាគោរពនិងអនុវត្ត ដោយហ្មត់ចត់តាមព្រះរាជសាររបស់ព្រះមហាក្សត្រចុះថ្ងៃទី១៦ កញ្ញា អំពាវនាវចំពោះជនរួមជាតិទាំងមួលដែលជាក្រុមបាតុករ និង ក្រុមសមត្ថកិច្ច សូមបញ្ឈប់ការប្រើអំពើហិង្សាតាមរូបភាពណាក៏ដោយដែលបណ្តាលឲ្យបងប្អូនទាំងអស់ទទួលរងរបួស ឬ បាត់បង់ជីវិត និង បណ្តាលឲ្យមានគ្រោះថ្នាក់ធ្ងន់ធ្ងរដល់សង្គមជាតិទាំងមូល ហើយងាកមកប្រកាន់ប្រពៃណីអហិង្សា យោគយល់គ្នា និង អត់ធ្មត់ជាអតិបរមា ព្រមទាំងរក្សាភាពថ្លៃថ្នូរ និងភាពស្ងៀមស្ងាត់ ដើម្បីទុកឳកាសរកដំណោះស្រាយបញ្ហាជាតិយើងទាំងអស់គ្នា។
២.ភាគីទាំង២ព្រមព្រាងគ្នា និង បង្កើតយន្តការមួយដើម្បីកែទម្រង់ការបោះឆ្នោតនាពេលខាងមុខ។
៣.ភាគីទាំង២នឹងបន្តជួបចរចាគ្នាបន្តទៀតតាមគ្រប់កម្រិតដើម្បីដោះស្រាយបញ្ហារបស់ជាតិ។
Source from: Vayofm
Loading...
Post a Comment