ដើម្បីឈានដល់ការដោះស្រាយបញ្ហាជាប់គាំងនយោបាយនៅក្នុងប្រទេសកម្ពុជា លោកសម រង្ស៊ី ប្រធានគណបក្សសង្គ្រោះជាតិបានប្រកាសជំហរចុងក្រោយនៅក្នុងសន្និសិទកាសែតនៅថ្ងៃសុក្រនេះថា គណបក្សសង្គ្រោះជាតិ និង គណបក្សប្រជាជនកម្ពុជា។
គួរតែមានការធ្វើសម្បទានឲ្យគ្នាទៅវិញទៅមកដោយត្រូវប្រកាសបណ្តោះអាសន្នថា ឈ្នះទាំង២។ ត្រង់ចំណុចនេះមានន័យថា គណបក្សសង្គ្រោះជាតិមិនចង់ឲ្យគណបក្សប្រជាជនកម្ពុជា បន្តជិះសេះលែងដៃដូចអាណត្តិមុននោះទេ គឺត្រូវមានតុល្យភាពនៃអំណាចក្នុងរដ្ឋសភា ដើម្បីធ្វើការត្រួតនិពិត្យ និងទទួលខុសត្រូវការងាររួមគ្នា។
សំលេងៈជាមួយគ្នានេះលោកសម រង្ស៊ី បានបញ្ជាក់បន្ថែមថា តំណាងរាស្ត្រគណបក្សសង្គ្រោះជាតិប្រកាសជំហរចុងក្រោយ និងសារជាថ្មីថា គណបក្សនឹងមិនចូលរួមសម័យប្រជុំសភាលើកដំបូង នៅថ្ងៃទី២៣ខែកញ្ញា បើទោះជាមានព្រះរាជវត្តមានរបស់ព្រះមហាក្សត្រក៏ដោយ។
ព្រោះថាការប្រជុំសភាមិនចាំបាច់តក់ក្រហល់ទេ ដោយសាររដ្ឋធម្មនុញ្ញ បញ្ជាក់យ៉ាងច្បាស់ថា សម័យប្រជុំសភា គឺធ្វើឡើងក្រោយពេលគជបប្រកាសលទ្ធផលផ្លូវការបោះឆ្នោតមិនមែនក្រោយថ្ងៃបោះឆ្នោតទេ ហើយគ.ជ.ប ទើបតែប្រកាសលទ្ធផលផ្លូវការនៅថ្ងៃទី០៨ខែកញ្ញា ។
សំលេងៈ
ទាក់ទងនឹងការលើកឡើងរបស់លោកសមរង្ស៊ី ជុំវិញបញ្ហាបើកការប្រជុំសភាលើកដំបូងនេះ ត្រូវបានលោកលី ចាន់តុលា សាស្ត្រាចារ្យច្បាប់ឆ្លើយតបថា មិនដូចជាការលើកឡើងរបស់លោកសមរង្ស៊ីទេ៦០ថ្ងៃនោះ គឺ៦០ថ្ងៃក្រោយការបោះឆ្នោតទី២៨ ខែកក្កដា។
សំលេងៈ
គួរបញ្ជាក់ថា នៅតែ៣ថ្ងៃទៀតតែប៉ុណ្ណោះ ការប្រជុំសភាលើកដំបូងនឹងមកដល់ នៅថ្ងៃទី២៣ ខែកញ្ញា។ ពិធីបើកសម័យប្រជុំដំបូងនេះធ្វើឡើងដើម្បីសម្រេចអំពីសុពលភាពនៃអាណត្តិរបស់សមាជិកនីមួយៗ និង អនុម័តបទបញ្ជាផ្ទៃក្នុងនៃរដ្ឋសភានីតិកាលទី៥។(ដោយៈសៅ វិសាល)
Source from: Vayofm
Loading...
Post a Comment