នាំគ្នា​ផ្អើល​មើល​ព្រះ​អាទិត្យ​បាំង​ឆ័ត្រ​ស្រប​ពេល​ក្រុម​បាតុករ​អហឹង្សា ​កំពុង​ដង្ហែរ​ក្បួន ​(មានវីដេអូ)

មានការភ្ញាក់ផ្អើកមួយកាលពីព្រឹកថ្ងៃទី១៥ កញ្ញា ២០១៣ ស្របពេលក្រុមបាតុករជាច្រើនកំពុងដង្ហែរក្បួនមហាបាតុកម្ម ស្រាប់តែគេឃើញព្រះអាទិត្យដែលកំពុងពេលកំដៅបានបាំងឆ័ត្រភ្លាមៗ ។
បាតុភូតនេះ វាមិនមែនជារឿងចំលែកណាស់ណាទេ តែកន្លងមកវាមិនដែលកើតឡើងទេ រហូតមកដល់ថ្ងៃដែលមានមនុស្សច្រើនរាប់សែននាក់កំពុងធ្វើមហាបាតុកម្មដែលរៀបចំឡើងដោយគណបក្សសង្គ្រោះជាតិនោះ វាស្រាប់តែលេចឡើង។ អ្នកដែលមានជំនឿបាននាំគ្នា លើកដៃសំពះ និងស្រែកនូវពាក្យមួយចំនួនដូចជា «ព្រះអាទិត្យជួយយើងហើយ..» រឺ «ព្រះអាទិត្យក៏ចង់រកយុត្តិធម៌ឲ្យខ្មែរជាដើម»។

បាតុករជាច្រើនបានបញ្ជាក់ថា បាតុភូតនេះ បានកើតម្តងរួចមកហើយកាលពីថ្ងៃទី៧ កញ្ញា ២០១៣ គឺក្នុងកំឡុងពេលធ្វើមហាបាតុកម្មលើកទី១ តែគេមិនភ្ញាក់ផ្អើលទេ ព្រោះវាគ្រាន់តែជាបាតុភូតធម្មជាតិតែប៉ុណ្ណោះ ដោយថ្ងៃនេះ បាតុភូតបែបនេះ ដដែលបានកើតឡើងម្តងទៀតពេលធ្វើមហាបាតុកម្មលើកទី២ ទើបធ្វើឲ្យអ្នកចូលរួម និងប្រជាជនទាំងអស់មានជំនឿថា វាមិនមែនជារឿងចៃដន្យនោះទេ។

តើលោកអ្នកយល់បែបណាដែរចំពោះបាតុភូតនេះ...?