រឿងរ៉ាវ​ស្នេហា​ដ៏​ផ្អែម​ល្ហែម​របស់​ ម្ចាស់ Facebook និង​ភរិយា

នៅក្នុងបន្ទប់រងចាំ និស្សិតស្រីប្រុសកំពុងតំរង់ជួរគ្នាដើម្បីប្រើប្រាស់បន្ទប់ទឹក។ ទីនោះ គឺជាកន្លែងដែល ប្រធានក្រុមហ៊ុន ហ្វេសប៊ុក និយាយជាលើកដំបូងទៅកាន់ប្រពន្ធរបស់គាត់។

បន្ទាប់ពីបានបញ្ជប់ថ្នាក់ វិទ្យាល័យមកពី Massachusetts មក Priscilla Chan បានចូលទៅកាន់មហាវិទ្យាល័យ Havard កន្លែងដែលនាងត្រូវចូលរៀនថ្នាក់ប្រវត្តិសាស្រ្តនៅឆ្នាំ ២០០៥។ ទីនោះហើយដែល Priscilla Chan បានជួបនឹងលោក Mark Zuckerberg ចំពេលដែលលោកបានសម្រេចចិត្តបោះបង់ការសិក្សារបស់ខ្លួនចោល ព្រោះតែការងាររវល់ពេក។ គ្រានោះ លោក Mark បាននិយាយទៅកាន់ Chan ថា៖
«ហេ.. Priscilla! តើចង់បានការងារមួយនៅឯហ្វេសប៊ុកទេ?»
Priscilla ជាមនុស្សរួសរាយ ដូច្នេះនាងក៏ប្រញ៉ាប់ឆ្លើយទៅវិញថា៖
«ខ្ញុំពិតជាចង់ធ្វើការនៅ ហ្វេសប៊ុកណាស.. អរគុណ!» ប៉ុន្តែរហូតមកដល់ពេលនេះ Priscilla មិនដែលបានធ្វើការនៅហ្វេសប៊ុកម្តងណាទេ។ តែឃ្លាប្រយោគសន្ទនានេះហើយដែលធ្វើឲ្យទំនាក់ទំនងរបស់ពួកគេកាន់តែជិតស្និទ្ធឹនិងរីកចំរើនឡើង។

ទំនាក់ទំនងរបស់អ្នកទាំងពីរ គឺជាមិត្តល្អនិងគ្នាអស់រយៈពេល ៧ឆ្នាំ មុនពេលដែលអ្នកទាំងពីរសម្រេចចិត្តណាត់គ្នាជាលើកដំបូងក្នុងនាមជាមិត្តប្រុសនិងមិត្តស្រី។

http://www.nocturnar.com/forum/attachments/espectaculos/27395d1337622196-casamiento-de-mark-zuckerberg-meet-mark-zuckerbergs-girlfriend-priscilla-chan-1.jpg

Priscilla អាចនិយាយបាន៣ភាសាយ៉ាងរអិល តែលោក Mark វិញបានតែមួយភាសាតែប៉ុណ្ណោះ ហេតុនេះ ពួកគេចាប់ផ្តើមពីការបង្រៀនភាសា ជាពិសេសគឺភាសាចិនដែលជាភាសាកំណើតរបស់ Priscilla ហើយទំនាក់ទំនងបែបនេះបានធ្វើឲ្យមិត្តភក្តិជាច្រើនរបស់គេយល់ថា គេទាំងពីរនាក់ស្រលាញគ្នាមែនទែន តែក្រោយមកវាក៏ក្លាយជាការពិត។
Priscilla បាននិយាយថា «ខ្ញុំមិនដែលគិតថា Mark នឹងមានអ្វីនោះទេ ហើយក៏មិនគិតថា ខ្ញុំត្រូវទាមទារអ្វីពីគាត់ដែរ ព្រោះខ្ញុំមិនចាប់អារម្មណ៌នឹងអ្វីដែលគាត់នឹងមាននោះទេ តែខ្ញុំខ្វល់និងអ្វីដែលគាត់កំពុងមានជាង។»
Priscilla Chan គឺជានារីដែលសំណាងជាងគេក្នុងលោកនេះ ព្រោះនាងបានរៀបការជាមួយបុរសជាមហាសេដ្ឋីវ័យក្មេងជាងកេបង្អស់ក្នុងលោក គឺលោក Mark Zuckerberg ជាអ្នកបង្កើតគេហទំព័រ បណ្តាញសង្គមដ៏ល្បីល្បាញគឺ ហ្វេសប៊ុក។

អ្វីដែលធ្វើឲ្យពួកគេអាចពាក់ចិញ្ចៀនរៀបការបាននោះគឺ គេទាំងពីរនាក់ជាអ្នកដែលស្រលាញ់ «ឆ្កែ» ដូចគ្នា ហើយមួយថ្ងៃៗរស់នៅជាមួយឆ្កែស្ទើតែច្រើនជាងគ្រួសារទៅទៀត។ ឆ្កែនីមួយៗរបស់អ្នកទាំងពីរ សុទ្ធតែមាន Facebook Page ទាំងអស់។ លើសពីនេះទៀត គេទាំងពីរនាក់ចាប់ផ្តើមដោយការ Chat តាមហ្វេសប៊ុក គឺមិនសូវជាបានជួបគ្នាញឹកញាប់ទេ បន្ទាប់ពីលោក Mark ផ្អាកការសិក្សារបស់ខ្លួន។ នៅថ្ងៃដែល Priscilla ទទួលសញ្ញាប័ត្របញ្ចប់ការសិក្សា អ្នកដែលជួនផ្កាលើកទីមួយឲ្យនាងគឺលោក Mark។

ចុងក្រោយ អ្នកទាំងពីរបានរៀបអាពាហ៌ពិពាហ៌ដ៏សាមញ្ញមួយ នៅខែឧសភា ឆ្នាំ២០១២ ស្របពេលដែលលោក Mark បានដាក់បែងចែកក្រុមហ៊ុន ហ្វេសប៊ុក ជាបំនែកៗដើម្បីដាក់ចូលទៅក្នុងផ្សារហ៊ុន និងបានរកប្រាក់ចំណូលច្រើនលើសលប់ពីការបង្កើតឲ្យមានការផ្សាយពាណិជ្ជកម្មលើទំព័ររបស់ខ្លួន៕
យ៉ាងម៉េចដែរប្រិយមិត្ត..?