គ្រាប់បែក TNT ត្រូវបាន​បំផ្លុងចោល​នៅ​ក្បែរដ្ឋសភាជាតិ

9/13/2013 01:55:00 AM

វេលាព្រឹកថ្ងៃទី១៣ កញ្ញា អាជ្ជាធរក្រុងភ្នំពេញ និងក្រុមស៊ីម៉ាក់កម្ពុជា បានសម្រេចបំផ្ទុះគ្រាប់បែកច្នៃមួយប៊ីដុង ដែលត្រូវបានគេបំផ្លុងចោលនៅក្បែវិមានរដ្ឋសភា ដោយហេតុផលថា មិនអាចយកចេញក្រៅបាន។

គ្រាប់បែកច្នៃនេះត្រូវបានគេផ្លុងចោលនៅមុខរដ្ឋសភាជាតិនៅនឹងកន្លែងតែម្តង ដោយសារតែគ្រាប់បែកនោះមិនអាចយកចេញបានទេ។ យោងតាមអគ្គនាយកមជ្ឈមណ្ឌលកំចាត់មីនស៊ីម៉ាក លោក ហេង រតនា បានប្រាប់ភ្នំពេញប៉ុស្តិ៍ពីកន្លែងកើតហេតុ។ ភ្នំពេញប៉ុស្តិ៍បានបន្តរៀបរាប់ថា គ្រាប់បែកកែច្នៃ នៅមុខរដ្ឋសភាជាតិនេះត្រូវបានបញ្ជាក់អះអាងថា ជាប្រភេទម្សៅ TNT។
boom

ក្រោយការប្រទះឃើញ គ្រាប់បែកនេះ កងកម្លាំងសមត្ថកិច្ចចម្រុះ ក្រុមប្រឆាំងភារវកម្ម និងមន្ត្រីដោះមីនស៊ីម៉ាក់ បានមកធ្វើការត្រួតពិនិត្យ និងធ្វើការបិទផ្លូវឆ្លងកាត់តំបន់ជុំវិញផ្លូវមកកាន់រដ្ឋសភា និងស្ថានទូតប្រទេសអូស្ត្រាលី។ ទីបំផុតសមត្ថកិច្ចសម្រេចបំផ្ទុះគ្រាប់បែកច្នៃនេះ នៅនឹងកន្លែងតែម្តង នៅវេលាម៉ោងប្រមាណ១០ព្រឹកថ្ងៃនេះ។

ដោយឡែកនៅឯស្ពាននាគខាងត្បូងវត្តភ្នំឯណោះវិញ គ្រាប់បែក៣គ្រាប់ដែលគេចងផ្អោបជាប់គ្នា ត្រូវបានគេប្រទះឃើញគេដាក់ចោលនៅជិតទីលានប្រជាធិបតេយ្យ។

វិទ្យុអាស៊ីសេរីបានរៀបរាប់ថា គ្រាប់កាំភ្លើងម៉ាក អិម ៧៩ (M79) ចំនួន ៣គ្រាប់ ត្រូវគេប្រទះឃើញនៅក្នុងសួនខាងកើតស្ពាននាគ នៃរមណីយដ្ឋានវត្តភ្នំ។ គ្រាប់កាំភ្លើងទាំង ៣គ្រាប់នោះ ត្រូវគេច្នៃចងភ្ជាប់គ្នាអោយមានតួនាទីដូចគ្រាប់បែក ដែលអាចដាក់បង្កៃអោយផ្ទុះ ត្រូវពលរដ្ឋប្រទះឃើញនៅម៉ោងប្រមាណ ៨ព្រឹកថ្ងៃទី១៣ ខែកញ្ញា គឺនៅមិនឆ្ងាយប៉ុន្មានពីទីលានប្រជាធិបតេយ្យ ជាទីដែលអ្នកគាំទ្រគណបក្សសង្គ្រោះជាតិ។

គេហទំព័រ វិទ្យុអាស៊ីសេរីបានបន្តការរៀបរាប់របស់ខ្លួនថា អភិបាលខណ្ឌដូនពេញ លោក សុខ សម្បត្តិ មានប្រសាសន៍ថា គ្រាប់បង្កៃទាំងនេះទំនងថាមានអ្នកណាម្នាក់យកមកដាក់ ដើម្បីបង្កភាពវឹកវរក្នុងសង្គមនៅក្រោយការបោះឆ្នោត។

មកដល់ពេលនេះ អាជ្ញាធរសមត្ថកិច្ចមិនទាន់យកគ្រាប់ទាំងនោះចេញនៅឡើយទេ គឺនៅរង់ចាំការត្រួតពិនិត្យរបស់មន្ត្រីជំនាញផ្នែកគ្រាប់បែក។

កាលពីថ្ងៃទី១២ ខែកញ្ញា គ្រាប់បែកចាស់មួយគ្រាប់ ក៏ត្រូវគេប្រទះឃើញនៅក្បែរវេទិការៀបចំពិធីស្វាគមន៍ថ្នាក់ដឹក នាំគណបក្សសង្គ្រោះជាតិ ក្នុងការជួបជុំអ្នកគាំទ្រគណបក្សនោះនៅក្រុងសៀមរាប។

ប្រភពពីៈ នាវា