ខេត្តបាត់ដំបង៖បុរសម្នាក់ជាកម្មករសំណង់បានបាត់ខ្លួនមួយយប់បន្ទាប់ពីផឹកស៊ីជុំមិត្តភក្តិហើយបានបែកផ្លូវគ្នាទៅផ្ទះរៀងខ្លួនស្រាប់តែព្រឹកថ្ងៃទី៣០ខេត្តបាត់ដំបង ៖ បុរសម្នាក់ជាកម្មករសំណង់ បានបាត់ខ្លួនមួយយប់ បន្ទាប់ពីផឹកស៊ីជុំមិត្តភក្តិ ហើយបានបែកផ្លូវគ្នា ទៅផ្ទះរៀងខ្លួន ស្រាប់តែព្រឹកថ្ងៃទី៣០ ខែកញ្ញា ឆ្នាំ២០១៣ អ្នកជិតខាងបាន បង់សំណាញ់រកឃើញសព ក្នុងទឹកប្រឡាយចិន នៅក្រោយផ្ទះ នៅចំណុចអណ្តូងតាប៊ី ស្ថិតក្នុងភូមិកំប៉ូវ ឃុំភ្នំសំពៅ ស្រុកបាណន់ ខេត្តបាត់ដំបង។
បុរសរងគ្រោះមានឈ្មោះ រ៉ន គន្ធា អាយុ ៣០ ឆ្នាំ ជាកម្មករសំណង់ នៅលីវមានទីលំនៅ ក្នុងភូមិកើតហេតុ បានលង់ទឹងអណ្តូងតាប៊ី ដែលត្រូវបានគេកាយ ជាប្រឡាយមេ ហៅប្រឡាយចិន មានជម្រៅប្រមាណ ២ ម៉ែត្រ។ កាលពីយប់ថ្ងៃទី២៩ ខែកញ្ញា ឆ្នាំ២០១៣ ជនរងគ្រោះបានផឹកស្រាថ្នាំ ជាមួយកម្មករផ្សេងទៀត ក្នុងភូមិ លុះម៉ោង ៨ យប់បានបែក ផ្លូវទៅផ្ទះរៀងខ្លួន។
ជារៀងរាល់ថ្ងៃពេលមកពីធ្វើសំណង់វិញ ជនរងគ្រោះតែងតែ ទៅងូតទឹក នៅអណ្តូងតាប៊ី ហើយនៅព្រឹកថ្ងៃទី៣០ ខែកញ្ញា មិត្តភក្តិបានដើររក ជនរងគ្រោះទៅធ្វើការ តែរកមិនឃើញ ក៏រាយការណ៍ជូនសមត្ថកិច្ច ហើយក៏នាំគ្នារាវរក និងយកសំណាញ់បង់ តាមប្រឡាយលុះម៉ោង ១១ ព្រឹក ទើបប្រទះសពជាប់នឹងសំណាញ់ ហើយក៏យកមកធ្វើបុណ្យតែម្តង៕
Source from: watphnom-news.com
Loading...
Post a Comment