រាជធានីភ្នំពេញ ៖ ដោយទំនងជាអ្នកបើកបរ ងងុយដេកបានបណ្តាលឲ្យ រថយន្ដដឹកទំនិញមួយគ្រឿង បើករេចង្កូតក្រឡាប់ធ្លាក់ប្រឡាយ កាលពីវេលាម៉ោង ៥ទៀបភ្លឺ ថ្ងៃទី១៨ ខែតុលា ឆ្នាំ២០១៣ តាមបណ្ដោយផ្លូវជាតិលេខ ២១Aស្ថិតក្នុងភូមិក្រាំងក្រូច សង្កាត់ទៀន ខណ្ឌដង្កោ នាំឱ្យខ្ចាយទំនិញពេញប្រឡាយ ប៉ុន្ដែពុំមាននរណាម្នាក់ រងរបួសនោះទេ ។
អ្នកបើកបររថយន្ដឈ្មោះ ឌឹម ដា ភេទប្រុស អាយុ ៣០ ឆ្នាំ មានទីលំនៅក្នុង ភូមិស្វាយទាំ ឃុំឫស្សីស្រុក ស្រុកកំពង់ត្រាច ខេត្ដកំពត បានដឹកទំនិញចាប់ហួយ តាមរថយន្ដហ៊ីយ៉ាន់ដាយ ពណ៌ខៀវឆ្នូតទឹកក្រូច ពាក់ស្លាកលេខ ក ២៩៣៧ ភព១ ពីខេត្ដកំពត មកភ្នំពេញ ក្នុងទិសដៅពីលិចទៅកើត លុះមកដល់ចំណុចកើតហេតុ អ្នកបើកបរងងុយដេកខ្លាំង បានរេចង្កូតទៅខាងស្ដាំដៃ ធ្លាក់ចូលប្រឡាយ នៅចិញ្ចើមផ្លូវតែម្តង៕
Source from: watphnom-news.com
Post a Comment