ខេត្តកំពត៖សមត្ថកិច្ចបានឃាត់ខ្លួនជនសង្ស័យម្នាក់ពីបទធ្វើសកម្មភាពចាប់រំលោភកុមារីអាយុ៦ឆ្នាំម្នាក់ខេត្តកំពត ៖ សមត្ថកិច្ចបានឃាត់ខ្លួន ជនសង្ស័យម្នាក់ ពីបទធ្វើសកម្មភាព ចាប់រំលោភកុមារីអាយុ ៦ ឆ្នាំម្នាក់ មិនបានសម្រេច កាលពីព្រឹកថ្ងៃទី១០ ខែតុលា ឆ្នាំ២០១៣ ស្ថិតនៅភូមិកោះម៉ាក់ប្រាំង ឃុំបឹងសាលាខាងជើង ស្រុកកំពង់ត្រាច ដោយបានឲ្យលុយ ទៅបងប្រុសរបស់ ក្មេងស្រីរងគ្រោះចំនួន ៥០០ រៀល ទៅទិញនំហូប។
ជនសង្ស័យឈ្មោះ ត្រោក ដន អាយុ ៣០ឆ្នាំ រស់នៅភូមិ កោះម៉ាក់ប្រាំង ឃុំបឹងសាលាខាងជើង ស្រុកកំពង់ត្រាច ខេត្តកំពត បានសារភាពថា ខ្លួនពិតជាមានបំណង ចង់រំលោភកុមារីរងគ្រោះមែន តែមិនទាន់បានសម្រេច នៅឡើយទេ ព្រោះបងប្រុស របស់នាងមកទាន់ ក៏បែកការណ៍ និងផ្អើលដល់អ្នកភូមិ និងរាយការណ៍ ជូនសមត្ថកិច្ចមូលដ្ឋាន ក៏ចុះឃាត់ខ្លួនតែម្តង។
មុនពេលកើតហេតុ ជនសង្ស័យ បានហុចលុយចំនួន ៥០០ រៀលដល់បងប្រុស កុមារីរងគ្រោះ ដែលមានអាយុប្រហែល ៨ ឆ្នាំ ឱ្យទៅទិញនំ នៅតូបមួយកន្លែងក្នុងភូមិ។ ក្រោយពីទិញនំរួច បងប្រុសរបស់ក្មេងស្រីរងគ្រោះ វិលត្រឡប់មកវិញ ស្រាប់តែឃើញជនសង្ស័យ កំពុងសង្កត់រំលោភប្អូនស្រី របស់ខ្លួន នៅក្នុងផ្ទះ ទើបស្រែកឆោឡោឡើង ធ្វើឱ្យភ្ញាក់ផ្អើលដល់អ្នកស្រុក ៕
Source from: watphnom-news.com
Loading...
Post a Comment