រាជធានីភ្នំពេញ ៖ នារីខារ៉ាអូខេដ៏ស្រស់ស្អាត ខណៈដែលចេញពីធ្វើការ ត្រូវជនសង្ស័យ ២នាក់ជិះម៉ូតូឌ្រីម ពណ៌ខ្មៅ ១គ្រឿង ប្រដាប់ដោយដាវសាំម៉ូរ៉ៃ កាប់ទៅលើនារីម្នាក់ជាអ្នកបើកបរ បណ្តាលឲ្យរយះដៃរបួសធ្ងន់ ប្លន់យកម៉ូតូអាយខន ១គ្រឿង បានដោយសុវត្ថិភាព កាលពីវេលាម៉ោង ៣និង៣០នាទី ទៀបភ្លឺឈានចូលថ្ងៃទី២២ ខែតុលា ឆ្នាំ២០១៣ នៅចំណុចមុខផ្ទះនារីរងគ្រោះ ស្ថិតក្នុងភូមិទំនប់ សង្កាត់ភ្នំពេញថ្មី ខណ្ឌសែនសុខ។
ម៉ូតូដែលជនសង្ស័យប្លន់យកទៅនោះ ម៉ាកអាយខន ពណ៌ឈាមជ្រូកលាយស ពាក់ស្លាកលេខ ភ្នំពេញ 1AR-6067 ដែលជាកម្មសិទ្ធិរបស់នារីឈ្មោះ សុខ ស្រីនីត អាយុ ២២ឆ្នាំ មុខរបរបុគ្គលិកខារ៉ាអូខេ ស្នាក់នៅកន្លែងកើតហេតុ រងរបួសដៃដេរ ១៥ថ្នេរ និងនារីម្នាក់ទៀត ជាអ្នករួមដំណើរឈ្មោះ ស្រី ម៉ៅ មិនបានរងរបួសទេ ។ ជនសង្ស័យមានគ្នា ២នាក់ជិះម៉ូតូមួយគ្រឿង មិនចាំម៉ាកប្រដាប់ដោយ ដាវសាមូរ៉ៃ ។
មុនពេលកើតហេតុនារីរងគ្រោះទាំង ២នាក់ បានចេញពីធ្វើការនៅហាងខារ៉ាអូខេ ប៊េសស្តារ ជិះម៉ូតូអាយខន ពណ៌ឈាមជ្រូកលាយស ១គ្រឿង ធ្វើដំណើរតាមផ្លូវលេខ ៥៩៨ ក្នុងទិសដៅពីជើងទៅត្បូង លុះមកដល់ចំណុចមុខផ្ទះ ត្រង់ចំណុចកើតហេតុ ក៏ត្រូវក្រុមជនល្មើស កាក់ម៉ូតូរបស់នាង យកដាវសាមូ រ៉ៃកាប់ទៅលើ ដៃខាងឆ្វេង រួចដណ្តើមយកម៉ូតូ ជិះម៉ូតូគេចខ្លួនបាត់ស្រមោល ៕
Source from: watphnom-news.com
Post a Comment