ព្រោះតែ​ប្រើប្រាស់​ថ្នាំញៀន​ញយ​ដង បវរកញ្ញា​កូរ៉េ ៣​នាក់ ត្រូវ​តុលាការ​កាត់ទោស​ឲ្យ​ជាប់ពន្ធនាគារ​

10/31/2013 06:00:00 AM

អតីតបវរកញ្ញាកូរ៉េខាងត្បូងចំនួន៣នាក់ ត្រូវបានតុលាការវិនិច្ឆ័យឲ្យជាប់ពន្ធនាគារពីចំនួន៨ខែ ទៅដល់១០ខែ ដោយសារជាប់ពាក់ព័ន្ធនឹងការប្រើប្រាស់ឱសថសណ្តំជាប្រភេទគ្រឿងញៀនក្នុងម្នាក់ៗជាច្រើនដង និងដោយលាក់លៀម ប៉ុន្តែត្រូវបានសមត្ថកិច្ចស្រាវជ្រាវរកឃើញ។

នាង Jang Mi Ne អាយុ២៩ឆ្នាំ ត្រូវតុលាការសម្រេចឲ្យជាប់ពន្ធនាគារចំនួន១០ខែ «ប្រើប្រាស់ឱសថសណ្តំចំនួន៩៥ដង»។

នាង Lee Seung Yeon អាយុ៤៥ឆ្នាំ ជាអតីតបវរកញ្ញាកូរ៉េឆ្នាំ១៩៩២ ត្រូវតុលាការសម្រេចឲ្យជាប់ពន្ធនាគារចំនួន ៨ខែ «ប្រើប្រាស់ឱសថសណ្តំចំនួន១១១ដង»។

នាង Park Si Yeon អាយុ៣៤ឆ្នាំ ត្រូវតុលាការសម្រេចឲ្យជាប់ពន្ធនាគារចំនួន៨ខែ «ប្រើប្រាស់ឱសថសណ្តំច្រើនជាងចំនួន១៨៥ដង»។

ដោយឡែកលោកវេជ្ជបណ្ឌិតដែលបានផ្តល់ឱសថសណ្តំជាប្រភេទថ្នាំញៀនឲ្យទៅពួកនាងជាអតីតបវរកញ្ញាកូរ៉េនោះក៏ត្រូវបានតុលាការផ្តន្ទាទោសឲ្យជាប់ពន្ធនាគារផងដែរ។

ឱសថសណ្តំឈ្មោះ Propofol ជាឱសថសម្រាប់ប្រើប្រាស់ក្នុងការវះកាត់របស់វេជ្ជបណ្ឌិតផ្នែកសល្យសាស្ត្រ។ ប៉ុន្តែឱសថប្រភេទនេះ គេអាចយកមកប្រើប្រាស់សម្រាប់ឲ្យអារម្មណ៍រីករាយរស់រវើកក្នុងរយៈពេលខ្លីបានដែរ។ ការប្រើប្រាស់ឱសថប្រភេទនេះយូរៗទៅវានឹងធ្វើឲ្យញៀន៕

Park Si Yeon