រាជធានីភ្នំពេញ៖បុរស២នាក់បានរងរបួសធ្ងន់និងស្រាលខណៈដែលពួកគាត់កំពុងអង្គុយលក់បបរនិងអង្គុយលើរ៉ឺម៉កកង់បីរាជធានីភ្នំពេញ ៖ បុរស ២ នាក់បានរងរបួសធ្ងន់និងស្រាល ខណៈដែលពួកគាត់ កំពុងអង្គុយលក់បបរ និងអង្គុយលើរ៉ឺម៉កកង់បី ហើយត្រូវរថយន្តម៉ាក វីហ្គោ មួយ គ្រឿង បើកបរដោយបុរសស្រវឹងធ្លាក់ភ្នែក បានបើកបុករះពេញទំហឹង កាលពីវេលាម៉ោង ២៣និង៣០ នាទីយប់ថ្ងៃទី១១ ខែតុលា ឆ្នាំ២០១៣ ត្រង់ចំណុចមុខផ្ទះសំណាក់ អិលអេស ផ្លូវលេខ៥៣ ក្នុងសង្កាត់ផ្សារថ្មី៣ ខណ្ឌដូនពេញ។
ជនរងគ្រោះរួមមាន ១-ឈ្មោះ វ៉ាន់ ហិន ភេទប្រុស អាយុជាង ៤៨ ឆ្នាំ ជាអ្នករត់កង់បី ស្នាក់នៅក្នុងសង្កាត់ផ្សារថ្មីទី៣ ខណ្ឌដូនពេញ ទី២-ឈ្មោះ ខន សាមន ភេទប្រុសអាយុ ៤៩ ឆ្នាំ មុខរបរលក់បបរ ស្នាក់នៅសង្កាត់វាលវង់ខណ្ឌ ៧មករា។ រថយន្តបង្កម៉ាក ហ៊ីលុច្ស វីហ្គោ ពណ៌ខ្មៅ ពាក់ស្លាកលេខ ភ្នំពេញ 2I-6877 បើកបរដោយបុរសឈ្មោះ លី បញ្ញនា អាយុ ៣២ ឆ្នាំ មុខរបរលក់ដូរ ស្នាក់នៅផ្ទះលេខ ៦Eoផ្លូវ លេខ១៣៦ សង្កាត់ផ្សារថ្មីទី៣ ខណ្ឌដូនពេញ ។
មុនពេលកើតហេតុ ឈ្មោះ លី បញ្ញនា ក្នុងស្ថានភាពស្រវឹងធ្លាក់ភ្នែក បានបើករថយន្ត តាមបណ្ដោយផ្លូវលេខ៥៣ ក្នុងទិសដៅពីត្បូងទៅជើង ក្នុងល្បឿនយ៉ាងលឿន ខណៈមកដល់ចំណុចកើតហេតុ ក៏រេចង្កូតទៅបុករះរ៉ឺម៉កកង់បី និងរទេះលក់បបរ និងរទេះលក់ សាច់គោអាំង បណ្ដាលឲ្យខូចខាតទាំងស្រុង ហើយមានមនុស្សរងរបួស ធ្ងន់និងស្រាល ២ នាក់ផងដែរ។ ក្រោយពេលកើតហេតុ គេឃើញម្ចាស់រថយន្ត បានធ្វើការសម្រួល ដោយសងថ្លៃព្យាបាល ទៅជនរងគ្រោះ ក្នុងតំលៃ ១៥.០០០ រៀលតាមរបៀបមើលងាយ តែទោះជាយ៉ាងណា ជនរងគ្រោះមិនព្រមទទួលឡើយ៕
Source from: watphnom-news.com
Loading...
Post a Comment