រាជធានីភ្នំពេញ៖ជនសង្ស័យជាជនជាតិវៀតណាមម្នាក់ខណៈកំពុងលួចគាស់ជញ្ជាំងផ្ទះអ្នកភូមិក្នុងបំណងលួចយកទ្រព្យសម្បត្តិក៏ត្រូវប្រជាពលរដ្ឋប្រទះឃើញបានស្រែកឆោឡោនាំគ្នាដេញចាប់បានរាជធានីភ្នំពេញ ៖ ជនសង្ស័យជាជនជាតិវៀតណាមម្នាក់ ខណៈកំពុងលួចគាស់ជញ្ជាំងផ្ទះអ្នកភូមិ ក្នុងបំណងលួចយកទ្រព្យសម្បត្តិ ក៏ត្រូវប្រជាពលរដ្ឋប្រទះឃើញ បានស្រែកឆោឡោ នាំគ្នាដេញចាប់បាន ហើយព្រួតវាយបណ្តាលឲ្យរងរបួសធ្ងន់ សល់ដង្ហើមចង្រឹត កាលពីវេលាម៉ោង ៣ទៀបភ្លឺ ឈានចូលថ្ងៃទី៣១ ខែតុលា ឆ្នាំ២០១៣ នៅចំណុចភូមិត្រពាំងឈូក សង្កាត់ទឹកថ្លា ខណ្ឌសែនសុខ។
ជនសង្ស័យមានឈ្មោះ ង្វៀង កុងថាញ់ អាយុ ២៣ឆ្នាំ ជនជាតិវៀតណាម បានរងរបួសធ្ងន់ធ្ងរ ត្រូវសមត្ថកិច្ចប៉ុស្តិ៍ទឹកថ្លា បញ្ជូនទៅសង្គ្រោះបន្ទាន់ នៅមន្ទើរពេទ្យព្រះកុសុមៈ។ ចំណែកម្ចាស់ផ្ទះ ដែលជនសង្ស័យលួចគាស់ជញ្ជាំងផ្ទះនោះ មិនត្រូវបានស្គាល់ អត្តសញ្ញាណនោះទេ។ កន្លងមកនៅក្នុងភូមិសាស្ត្រខាងលើនេះ តែងតែមានក្រុមចោរ ដើរធ្វើសកម្មលួចរបស់របរ និងទ្រព្យសម្បត្តិជាញឹកញាប់។
ប្រជាពលរដ្ឋបានខឹងសម្បា ព្រោះមិនដែលឃើញសមត្ថកិច្ច ចាប់ជនល្មើសបានម្តងណាឡើយ ទើបប្រជាពលរដ្ឋទាំងអស់គ្នា បានជួបប្រជុំ ដើម្បីដាក់វេនយាមយប់ចាំឃ្លាំមើល ក៏ប្រទះឃើញជនសង្ស័យ ជាជនជាតិវៀតណាមម្នាក់នេះ បានកំពុងធ្វើសកម្មភាព គាស់ជញ្ជាំងផ្ទះប្រជាពលរដ្ឋ ក៏បាននាំគ្នាព័ទ្ធចាប់ និងនាំគ្នាព្រួតវាយម្នាក់១ដៃ១ជើង ឲ្យរងរបួសធ្ងន់ នៅសល់តែដង្ហើមចង្រឹត៕
Source from: watphnom-news.com
Loading...
Post a Comment