ខេត្តបន្ទាយមានជ័យ៖រហូតដល់វេលាម៉ោង២រសៀលថ្ងៃទី១០ខែតុលាឆ្នាំ២០១៣ពន្ធនាគារខេត្ដបន្ទាយមានជ័យខេត្តបន្ទាយមានជ័យ ៖ រហូតដល់វេលាម៉ោង ២រសៀល ថ្ងៃទី១០ ខែតុលា ឆ្នាំ២០១៣ ពន្ធនាគារខេត្ដបន្ទាយមានជ័យ បានទទួលរងការគំរាមកំហែង យ៉ាងធ្ងន់ធ្ងរពីជំនន់ទឹកភ្លៀង ដែលបានវាយបំបាក់ជញ្ជាំងពន្ធនាគារ ប្រមាណ១០០ ម៉ែត្រ ធ្វើឱ្យទឹកហូរបុក ចូលពន្ធនាគារយ៉ាងខ្លាំង ប៉ះពាល់ដល់ការស្នក់នៅរបស់អ្នកទោស ជិតមួយពាន់នាក់ ហើយអាជ្ញាធរបានចាត់វិធានការផ្ទេរអ្នកទោស ទៅកាន់បណ្តាខេត្តមួយចំនួន ជាបណ្តោះអាសន្ន។
នៅពេលទឹកជំនន់ បុកចូលពេញទីធ្លា មន្ដ្រីពន្ធនាគារ ខេត្ដបន្ទាយមានជ័យ បានឱ្យដឹងថា ក្រោយពីមានបញ្ហានេះកើតឡើង អ្នកទោសដែល កំពុងជាប់ឃុំឃាំង ត្រូវបានកម្លាំងនគរបាល កម្លាំងអាវុធហត្ថ ដឹកជម្លៀសទៅឃុំខ្លួនជា បណ្ដោះអាសន្ន នៅពន្ធនាគារខេត្ដសៀមរាប ហើយជំហានដំបូង អ្នកទោសស្រី និងកុមារ ត្រូវបានជម្លៀសមុនគេ បន្ទាប់មកនឹងជម្លៀសអ្នកទោស មួយចំនួនទៀតទៅតាមក្រោយ ។
ដោយឡែកមន្ដ្រីអគ្គិសនី បានសម្រេច បិទចរន្ដអគ្គិសនី មួយផ្នែកធំ ក្នុងក្រុងសេរីសោភណ្ឌ និងស្រុកមង្គលបុរី ចាប់ពីវេលាម៉ោង៣ រសៀលថ្ងៃទី១០ ខែតុលា ឆ្នាំ២០១៣នេះ ដោយសារតែទឹកជំនន់ បាននឹងកំពុងវាយលុក ទីរួមខេត្ដបន្ទាយមានជ័យ ហើយមូលហេតុ ដែលនាំឱ្យអង្គភាពអគ្គិសនី និងអាជ្ញាធរ សម្រេចបិទចរន្ដអគ្គិសនី គឺដើម្បីការពារសុវត្ថិភាព ប្រជាពលរដ្ឋ ដោយខ្លាចឆក់ស្លាប់ ដោយប្រការណាមួយ៕
Source from: watphnom-news.com
Loading...
Post a Comment