គណបក្សប្រឆាំង​ស្នើសុំ​ឲ្យ​មានការ​ពន្យារពេល​ការពិនិត្យ​បញ្ជី​ឈ្មោះ​និង​ចុះឈ្មោះ​បោះឆ្នោត ឆ្នាំ​២០១៣

10/01/2013 07:55:00 AM

នៅថ្ងៃទី០១ខែតុលាឆ្នាំ២០១៣នេះគណបក្សសង្គ្រោះជាតិបានចេញសេចក្តីថ្លែងការណ៍របស់ខ្លួនមួយទាមទារឲ្យមានការលើកពេលឬពន្យារពេលការពិនិត្យបញ្ជីឈ្មោះនិងចុះឈ្មោះបោះឆ្នោតដែលគណៈកម្មាធិការជាតិរៀបចំការបោះឆ្នោត បានកំណត់ធ្វើចាប់ពីថ្ងៃទី០១ដល់ថ្ងៃទី២០ខែតុលា

នៅថ្ងៃទី០១ ខែតុលា ឆ្នាំ២០១៣នេះ គណបក្សសង្គ្រោះជាតិបានចេញសេចក្តីថ្លែងការណ៍របស់ខ្លួនមួយ ទាមទារឲ្យមានការលើកពេលឬពន្យារពេលការពិនិត្យបញ្ជីឈ្មោះនិងចុះឈ្មោះបោះឆ្នោតដែលគណៈកម្មាធិការជាតិរៀបចំការបោះឆ្នោត បានកំណត់ធ្វើចាប់ពីថ្ងៃទី០១ដល់ថ្ងៃទី២០ ខែតុលា ឆ្នាំ២០១៣។

ការទាមទារឲ្យមានការពន្យារពេលការពិនិត្យបញ្ជីឈ្មោះនិងចុះឈ្មោះបោះឆ្នោតឆ្នាំ២០១៣នេះ ដោយគណបក្សសង្គ្រោះជាតិបានលើកហេតុផលថា គណបក្សទាមទារឲ្យមានការកែទម្រង់ស៊ីជម្រៅទាក់ទងទៅនឹងការបោះឆ្នោតដែលគណបក្សនយោបាយទាំងពីរ«គណបក្សសង្គ្រោះជាតិ និងគណបក្សប្រជាជនកម្ពុជា» ដែលមានអាសនៈនៅក្នុងរដ្ឋសភាត្រូវពិភាក្សាគ្នាក្នុងពេលខាងមុខ និងពេលវេលានេះជារដូវវស្សាហើយជាក់ស្តែងប្រជាពលរដ្ឋកំពុងរងគ្រោះដោយសារទឹកជំនន់ផង។

សូមបញ្ជាក់ជូនថា កាលពីថ្ងៃទី១៦ ខែកក្កដា ឆ្នាំ២០១៣កន្លងមក គណៈកម្មាធិការជាតិរៀបចំការបោះឆ្នោតបានចេញសេចក្តីប្រកាសព័ត៌មានឲ្យដឹងថា ការពិនិត្យបញ្ជីឈ្មោះនិងចុះឈ្មោះបោះឆ្នោតឆ្នាំ២០១៣នឹងចាប់ផ្តើមពីថ្ងៃទី០១ដល់ថ្ងៃទី២០ ខែតុលា ឆ្នាំ២០១៣៕