រាជធានីភ្នំពេញ៖ដោយសារតែស្នេហ៍ខកបំណងស្រឡាញ់គ្នាមានអនុស្សាវរីយ៍ជាយូខែឆ្នាំស្រាប់តែបុរសជាសង្សារប្រាប់ថាខ្លួនមានប្រពន្ធនិងកូនរួចហើយបាននាំឲ្យនារីវ័យក្មេងដ៏ស្រស់ស្អាតម្នាក់ រាជធានីភ្នំពេញ ៖ ដោយសារតែស្នេហ៍ខកបំណង ស្រឡាញ់គ្នាមានអនុស្សាវរីយ៍ជាយូខែឆ្នាំ ស្រាប់តែបុរសជាសង្សារប្រាប់ថា ខ្លួនមានប្រពន្ធនិងកូនរួចហើយ បាននាំឲ្យនារីវ័យក្មេង ដ៏ស្រស់ស្អាតម្នាក់ លោតពីលើផ្ទះជាន់ទី១ ប៉ុនប៉ងសម្លាប់ខ្លួន នៅចំណុចខាងក្រោយផ្ទះលេខ១៧៨ តាមបណ្តោយផ្លូវលេខ៦៣ កែងផ្លូវលេខ២៩៤ ស្ថិតក្នុងសង្កាត់បឹងកេងកងទី១ ខណ្ឌចំការមន កាលពីវេលាម៉ោង ៣ទៀបភ្លឺ ថ្ងៃទី១ ខែវិច្ឆិកា ឆ្នាំ២០១៣ តែមិនបានស្លាប់ដូចបំណងទេ។
នារីរងគ្រោះមានឈ្មោះ ជ.ស.គ អាយុ ១៩ឆ្នាំ ស្នាក់នៅផ្ទះលេខ៣០ តាមបណ្តោយផ្លូវលេខ១៦៣ ស្ថិតក្នុងសង្កាត់ ទួលទំពួងទី២ ខណ្ឌចំការមន និងបុរសជាសង្សារមានឈ្មោះ អ៊ាង ម៉េងលី អាយុ ២៤ឆ្នាំ ស្នាក់នៅផ្ទះជួល កន្លែងកើតហេតុ ។ មុនពេលកើតហេតុគេឃើញ នារីរងគ្រោះបានមកលេង នៅផ្ទះជួលជាមួយសង្សារ តែមិនដឹងថា មានរឿងទាស់ទែងគ្នាអ្វីនោះទេ ទើបនារីរងគ្រោះបានលោត ពីលើផ្ទះជាន់ទី១ ក្នុងបំណងសម្លាប់ខ្លួន តែមិនបានសម្រេច គ្រាន់តែរបួសបាក់ភ្លៅខាងឆ្វេង។
ប្រភពព័ត៌មានមួយបានបង្ហើបឲ្យដឹងថា ការដែលធ្វើខាងស្រី លោតពីលើផ្ទះប៉ងស្លាប់ខ្លួន ក៏ដោយសារតែបុរសជាសង្សារបានប្រាប់ថានាងថា ខ្លួនមានប្រពន្ធ និងកូនរួចហើយ និងមានបំណងបែកផ្លូវគ្នា ។ ប្រជាពលរដ្ឋដែលបាន ឃើញហេតុការណ៍នេះ បានរិះគន់ថា នារីរងគ្រោះមិនគួរគិតខ្លី មកលោតពីលើផ្ទះធ្វើបាបខ្លួនឯង យ៉ាងដូច្នេះសោះ ព្រោះមានរូបសម្រស់ល្អប៉ុណ្ណឹងហើយ គេចង់ដោះដៃទៀត ទម្រាំខ្លួនពិការបែបនេះ មាននរណាមើលថែទាំ៕
Source from: watphnom-news.com
Loading...
Post a Comment