សមាសភាពថ្នាក់ដឹកនាំរដ្ឋសភាគណបក្សប្រជាជនកម្ពុជានីតិកាលទី៥បានកើតចេញជារូបរាងនៅក្នុងសម័យប្រជុំពេញអង្គរដ្ឋសភានីតិកាលទី៥លើកទី១នាថ្ងៃទី២៤ ខខែកញ្ញា ឆ្នាំ២០១៣ ពោលគឺ សម្តេចអគ្គមហាពញាចក្រីហេង សំរិន ប្រធានកិត្តិយសគណបក្សប្រជាជនកម្ពុជា និងជាបេក្ខជនតំណាងរាស្ត្រជាប់ឆ្នោតនៅមណ្ឌលខេត្តកំពង់ចាម ត្រូវបានជ្រើសតាំងឲ្យធ្វើជាប្រធានរដ្ឋសភានីតិកាលទី៥ ។
ក្រោយពីបានធ្វើសច្ចាប្រណិធានចូលកាន់មុខតំណែងជាប្រធានរដ្ឋសភានីតិកាលទី៥រួចមក ត្រឹមរយៈពេលតែ២សប្តាហ៍ប៉ុណ្ណោះ«គិតត្រឹមថ្ងៃទី០៨ ខែតុលា ឆ្នាំ២០១៣» មានឯកឧត្តម លោកជំទាវចំនួន៦៥រូបទៅហើយ ត្រូវបានតែងតាំងឲ្យធ្វើជាទីប្រឹក្សាសម្តេចអគ្គមហាពញាចក្រីហេង សំរិន ដែលក្នុងនោះ គឺ៖ ៣រូបមានឋានៈស្មើទេសរដ្ឋមន្ត្រី, ១៦រូបមានឋានៈស្មើរដ្ឋមន្ត្រី, ៣៧រូបមានឋានៈស្មើរដ្ឋលេខាធិការ និង ៩រូបមានឋានៈស្មើអនុរដ្ឋលេខាធិការ ។
សូមរម្លឹកជូនដែរថា កាលពីអាណត្តិទី៤ សម្តេចអគ្គមហាពញាចក្រីហេង សំរិន ក្នុងនាមជាប្រធានរដ្ឋសភា គឺមានទីប្រឹក្សាផ្ទាល់ខ្លួនរបស់សម្តេចរហូតដល់ទៅចំនួន២៤៨រូប ៕
Source from: www.dtn7.com
Loading...
Post a Comment