ខេត្តកំពង់ធំ៖រថយន្តកូរ៉េដឹកជីមួយគ្រឿងរបស់ក្រុមហ៊ុនសញ្ញាក្បាលក្របីបានដាច់កង់ខណៈដែលកំពុងបើកបរនៅចំណុចភូមិស្នោរខេត្តកំពង់ធំ ៖ រថយន្តកូរ៉េដឹកជី មួយគ្រឿងរបស់ក្រុមហ៊ុន សញ្ញាក្បាលក្របី បានដាច់កង់ ខណៈដែលកំពុងបើកបរ នៅចំណុចភូមិស្នោរ ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ បណ្តាលឲ្យបោកក្រឡាប់កណ្ដាលថ្នល់ ចាក់ជីចោលពេញផ្លូវ កាលពីវេលា ម៉ោង១១ យប់ថ្ងៃទី២៣ ខែវិច្ឆិកា ឆ្នាំ២០១៣ តែមិនមាននរណាម្នាក់ ទទួលគ្រោះថ្នាក់ធ្ងន់ធ្ងរនោះទេ។
សាក្សីបានឲ្យដឹងថា មុនពេលកើតហេតុ មានរថយន្តកូរ៉េ ចំណុះ ៣តោនកន្លះ ទ្រុងពណ៌ខៀវ ពាក់ស្លាកលេខតាកែវ 3A-1369 បានដឹកជី របស់ក្រុមហ៊ុន សញ្ញាក្បាលក្របី មកដល់ចំណុចកើតហេតុ ក្នុងស្ថានភាពស្ងាត់ បើកបរយឺតៗ ក៏ស្រាប់តែរថយន្តដាច់កង់ក្រោយ រមៀលចេញពីទ្រូងផ្លូវ ក្រោយមកក៏ផ្ទុះកង់មួយទៀតដែល នៅទន្ទឹមគ្នាបណ្តាលឲ្យរថយន្ត បោកក្រឡាប់ទាំងកំរោលតែម្តង។ អ្នកបើកបររថយន្ត ឈ្មោះ សេង អាន ភេទប្រុស អាយុ ៣០ឆ្នាំ រស់នៅភូមិ បឹងកេត ស្រុកស្ទឹងត្រង់ ខេត្តកំពង់ចាមបានឲ្យដឹងថា ខ្លួនបានដឹកជីមកពីជ្រៃធំ យកមកដាក់ដេប៉ូជី នៅស្រុកស្ទោង ខេត្តកំពង់ធំ។
ពេលមកដល់ចំណុចកើតហេតុ អ្នកបើកបរងងុយដេកពេក ប្រុងឈប់រកកន្លែងដេកតាមផ្លូវ ដោយដឹងថាមិនអាចបើកទៅមុខទៀតបាន តែមិនទាន់ទាំងបានឈប់ផង ស្រាប់តែរថយន្តដាច់កង់ ក្រឡាប់ដេក កណ្ដាលថ្នល់ នាំឲ្យអ្នកបើកបរ គ្រិចកជើង និងរបកស្បែកបន្តិចបន្តួច ហើយអាចចាត់ទុកថា ជាសំណាងល្អ ដែលបងប្អូនប្រជាពលរដ្ឋ ចូលដេកអស់ កុំអីមានសោកនាដកម្ម ជាពុំខានឡើយ៕
Source from: watphnom-news.com
Loading...
Post a Comment