រាជធានីភ្នំពេញ៖គណៈកម្មការអឺរ៉ុបបានស្នើឲ្យរដ្ឋាភិបាលអឺរ៉ុបដាក់ទណ្ឌកម្មមកលើប្រទេសកម្ពុជាពាក់ព័ន្ធនឹងការនាំត្រីទៅលក់នៅទីផ្សារអឺរ៉ុបរាជធានីភ្នំពេញ ៖ គណៈកម្មការអឺរ៉ុប បានស្នើឲ្យរដ្ឋាភិបាលអឺរ៉ុប ដាក់ទណ្ឌកម្មមកលើ ប្រទេសកម្ពុជា ពាក់ព័ន្ធនឹងការនាំត្រី ទៅលក់នៅទីផ្សារអឺរ៉ុប ដោយសារត្រីទាំងនោះ បានមកពីការនេសាទខុសច្បាប់ ដូចដែលក្រុមអ្នកឃ្លាំមើល ធនធានធម្មជាតិក្នុងស្រុក បានបញ្ជាក់ថា បទល្មើសនេសាទនៅកម្ពុជា ឋិតក្នុងស្ថានភាពធ្ងន់ធ្ងរ។ យ៉ាងណាក៏ដោយមន្ត្រីរដ្ឋាភិបាល បានអះអាងថា កម្ពុជា គ្មានបទល្មើសនេសាទនោះឡើយ ព្រោះមានបទបញ្ជាយ៉ាងតឹងរឹង ពីរាជរដ្ឋាភិបាល ក្នុងការបង្ការបង្ក្រាប ដូចមានចែងក្នុងបទបញ្ជាលេខ០០១។
គណៈកម្មការសហភាពអឺរ៉ុប កាលពីថ្ងៃទី២៦ ខែវិច្ឆិកា បានជំរុញឲ្យរដ្ឋាភិបាល ក្នុងបណ្ដាប្រទេសនៃសហគមន៍អឺរ៉ុបទាំងអស់ ដាក់ទណ្ឌកម្មផ្នែកពាណិជ្ជកម្ម ដល់បណ្ដាប្រទេសចំនួន៣ រួមមានប្រទេស កម្ពុជា ហ្គីននី (Guinea) និងប្រទេសប៊ែលលីស (Belize) ដែលនាំផលិតផលត្រី ដែលបានមកពីការនេសាទខុសច្បាប់ ទៅលក់នៅបណ្តាប្រទេសអឺរ៉ុប។ គណៈកម្មការសហភាពអឺរ៉ុប ក៏នឹងជំរុញឲ្យមានការដាក់ទណ្ឌកម្មបែបនេះ ដល់ប្រទេសកូរ៉េខាងត្បូង ហ្កានណា និងប្រទេសខួរ៉ាសាវ ផងដែរ ដោយសារតែបណ្ដាប្រទេសទាំងនេះ មិនគោរពច្បាប់ និងកាតព្វកិច្ចអន្តរជាតិ។
ជុំវិញវិធានការតឹងរ៉ឹងរបស់ គណៈកម្មការសហភាពអឺរ៉ុប អំពីការទាមទារឲ្យមាន ទណ្ឌកម្មផ្នែកពាណិជ្ជកម្ម លើវិស័យនាំទិន្នផលត្រី ពីការនេសាទខុសច្បាប់ ទៅលក់នៅអឺរ៉ុបនោះ លោក ឈឹម សាវុធ មន្ត្រីឃ្លាំមើលបរិស្ថាន និងធនធានធម្មជាតិ របស់មជ្ឈមណ្ឌលសិទ្ធិមនុស្សកម្ពុជា បានថ្លែងថា ទោះបីជាមានការហាមប្រាម ដ៏ម៉ឺងម៉ាត់របស់ប្រមុខ ដឹកនាំរដ្ឋាភិបាល អំពីការនេសាទខុសច្បាប់ កាលពីពេលកន្លងទៅក៏ដោយ ក៏បញ្ហានេះបានកក្រើកឡើងវិញយ៉ាងខ្លាំងនៅតាមបណ្ដាខេត្តជាប់បឹង ទន្លេសាប និងដងទន្លេមេគង្គ។
មានការកត់សម្គាល់ថា ក្រោយពីមានបទបញ្ជាលេខ០០១ គេសង្កេតឃើញ បទល្មើសនេសាទខុសច្បាប់ កើនឡើងសឹងគ្រប់ទីកន្លែងទាំងអស់ គ្មានការថយចុះទេ មានតែការកើនឡើង គួរឲ្យព្រួយបារម្ភ។ ទាំងបទល្មើសនេសាទ បទល្មើសព្រៃឈើ និងបទល្មើសរ៉ែ នៅកម្ពុជា បានកើតឡើងដោយសារតែ អំពើពុករលួយរបស់មន្ត្រី ក្នុងជួររដ្ឋាភិបាល ដែលឃុបឃិតគ្នា ជាមួយក្រុមឈ្មួញ ហើយដើម្បីបំបាត់បទល្មើសទាំងនេះបាន លុះត្រាសមត្ថកិច្ចកម្ពុជា បើកការស៊ើបអង្កេតខ្នាតធំមួយ ទៅលើក្រុមមន្ត្រីរដ្ឋាភិបាលកំពូលៗ ដែលជាប់ពាក់ព័ន្ធ ជាមួយភាពអសកម្មទាំងនោះ៕
Source from: watphnom-news.com
Loading...
Post a Comment