Microsoft ត្រូវបានគេវាយប្រហារ

1/17/2014 07:09:00 AM

Blog ហើយ Account Twitter ពីរទៀតរបស់ក្រុមហ៊ុន Microsoft ត្រូវបានវាយប្រហារដោយ Syrian Electronic Army។ក្រុម Hackers សញ្ជាតិ Syria បានធ្វើការ Hack ចូល Accounts បណ្តាញសង្គមរបស់ក្រុមហ៊ុនហើយបានបង្ហោះជាសារដែលរិះគន់ទៅលើក្រុមហ៊ុនផងដែរ។ ភ្លាមៗនោះដែរក្រុមហ៊ុន Microsoft បានបិទ Accounts ទាំងនោះដើម្បីធ្វើការកែប្រែនៅពេលដែលក្រុមហ៊ុនបានដឹងថា Accounts ទាំងនោះត្រូវបានវាយប្រហារ។

ក្រុមហ៊ុនបានបញ្ជាក់ផងដែរថាការវាយប្រហារនេះគឺធ្វើឡើងដោយពួកសកម្មជនជាមួយនឹងក្រុម Hackers ដទៃទៀតនៅកំឡុងពេលចុងសប្តាហ៍កន្លងទៅនេះ។ ក្រុមអ្នកវាយប្រហារបានបង្ហោះជាសារនៅក្នុង Accounts ទាំងនោះដោយប្រាប់ឲ្យអតិថិជនរបស់ក្រុមហ៊ុនឈប់ប្រើប្រាស់ Hotmail ហើយនឹង Outlook ដោយពួកក្រុម Hackers បានបញ្ជាក់ថាក្រុមហ៊ុនបានលួចតាមដានរាល់ទិន្នន័យទាំងអស់អតិថិជនហើយមានបំណងចង់លក់ទិន្នន័យទាំងនោះទៅឲ្យរដ្ឋាភិបាល។

ក្រោយមកក្រុមហ៊ុនបានចេញមកប្រកាសថា Accounts ទាំងនោះត្រូវបានគេវាយប្រហារប៉ុន្តែទិន្នន័យរបស់អតិថិជនមិនត្រូវបានគេលួចយកនោះទេ។