យុវជនម្នាក់ត្រូវគូជម្លោះមិនស្គាល់មុខ វាយនឹងដំបងឈើស្លាប់ភ្លាមៗ នៅមុខហាងខារ៉ាអូខេ
ខេត្តរតនគិរី៖យុវជនម្នាក់ត្រូវបានបក្ខពួកដែលជាជនដៃដល់វាយដោយដំបងបណ្តាលឲ្យស្លាប់នៅនឹងកន្លែងខណៈដែលជនរងគ្រោះបានជិះម៉ូតូម៉ាកសេ១២៥ខេត្តរតនគិរី ៖ យុវជនម្នាក់ត្រូវបានបក្ខពួក ដែលជាជនដៃដល់ វាយដោយដំបង បណ្តាលឲ្យស្លាប់ នៅនឹងកន្លែង ខណៈដែលជនរងគ្រោះ បានជិះម៉ូតូម៉ាកសេ១២៥ ពណ៌ខ្មៅ ពាក់ស្លាកលេខ រតនគិរី 1A-1618 មកដល់ផ្លូវបំបែកជាបួន ត្រង់ចំណុចហាងខារ៉ាអូខេ ដានវើល ស្ថិតក្នុងភូមិអភិវឌ្ឍន៍ សង្កាត់ឡាបានសៀក ក្រុងបានលុង ខេត្តរតនគិរី កាលពីវេលាម៉ោង ៨និង១០នាទី យប់ថ្ងៃទី៨ ខែមេសា ឆ្នាំ២០១៤។
សាក្សីនៅកន្លែងកើតហេតុ បានឲ្យដឹងថា នៅវេលាម៉ោងខាងលើ មានឮសូសំឡេងលាន់ខ្លាំងគួរសម មួយសន្ទុះក្រោយមក ទើបឃើញអ្នកជិះម៉ូតូ ដែលជាជនរងគ្រោះ ដេកស្លាប់ក្បែរម៉ូតូ ដែលត្រូវជនដៃដល់ មានគ្នា ២-៣ នាក់យ៉ាងតិច បានយកដំបងឈើបួនជ្រុង ប្រវែងជាងមួយម៉ែត្រ វាយចំក្បាលពីក្រោយ និងគុម្ពត្រចៀក រងរបួសយ៉ាងធ្ងន់ធ្ងរ និងព្រៃផ្សៃបំផុត បណ្តាលឲ្យជនរងគ្រោះ ដែលមានឈ្មោះហៅក្រៅ ត្រេន អាយុជាង ២០ឆ្នាំ ស្លាប់ភ្លាមៗនៅនឹងកន្លែង។
ក្រោយពេលកើតហេតុ សមត្ថកិច្ចមូលដ្ឋាន និងលោកស្នងការរង ផែន ឌីណា ទទួលបន្ទុកព្រហ្មទណ្ឌ បានចុះទៅដល់កន្លែងកើតហេតុ ធ្វើកោសល្យវិច័យ គ្រប់ជ្រុងជ្រោយរួចរាល់ ទើបប្រគល់សព ឲ្យក្រុមគ្រួសារយកទៅធ្វើបុណ្យ តាមប្រពៃណី។ ដោយឡែកក្នុងរឿងហេតុឃាតកម្មខាងលើនេះ ជនដៃដល់ដែលសម្លាប់ឈ្មោះ ត្រេន សមត្ថកិច្ចហាក់បីដូចជា មានពន្លឺច្រើន ក្នុងការស្រាវជ្រាវ ព្រោះជនដៃដល់ និងជនរងគ្រោះ ទំនងជាមានការស្គាល់គ្នាពីមុនមក ហើយទំនងជារឿងគំនុំផងដែរ រហូតឈានដល់ការសម្លាប់៕ ដោយ បានលុង
Source from: watphnom-news.com
Loading...
Post a Comment