តារាបង្ហាញម៉ូដតៃវ៉ាន់ថតរូបបង្អួតលុយបង្ហោះពេញ អិនធើណេត

7/07/2014 08:48:00 PM

តៃវ៉ាន់៖ តារាបង្ហាញម៉ូដរថយន្តដ៏ល្បីឈ្មោះរបស់តៃវ៉ាន់នាង Tian Zizi បានធ្វើអោយពិភព អិនធើណេតនៅប្រទេសចិន មានការភ្ញាក់ផ្អើលយ៉ាងខ្លាំង ក្រោយនាងបានថតរូបដេក នៅលើគ្រែសុទ្ធតែលុយ ហើយបង្ហោះចូលអិនធើណេត។ នាង Tian តារាបង្ហាញម៉ូដ រថយន្តវ័យ២៣ឆ្នាំរូបនេះ ប្រហែល ជារកចំណូលបានច្រើនពីអាជីពរបស់នាងហើយ ទើបនាងយកលុយមកធ្វើជាក្រដាសក្រាលដេកថតរូបយ៉ាង សប្បាយបែបនេះ។ តាមប្រភពពត៌មាន Austrian Times បានអោយដឹងថា នាង Tian ទទួលបានកំរៃរហូត ដល់ទៅកន្លះលានអឺរ៉ូ ដោយគ្រាន់តែឈរបង្ហាញម៉ូដ រថយន្តរយៈពេល៥នាទីប៉ុណ្ណោះ នៅក្នុងកម្មវិធីពិពណ៌រថយន្តនៅប្រទេសចិន។ មិនត្រឹមតែប៉ុណ្ណោះនាងអាចទិញរថយន្ត ស័រមានតំលៃរហូតដល់៤លានយ៉ន (ជាង៦៤ម៉ឺនដុល្លារ) បានយ៉ាងងាយ ដោយគ្រាន់ តែឈរបង្ហាញម៉ូដតែ៥នាទីប៉ុណ្ណោះ។