រាជធានីភ្នំពេញ៖រថយន្ដដឹកផ្លែឈើសំពីងសំពោងលើសចំណុះបានបើកទាក់ខ្សែភ្លើងបណ្តាលឲ្យបង្គោលមួយដើមដួលរលំនិងខ្សែភ្លើងជាច្រើនរាជធានីភ្នំពេញ ៖ រថយន្ដដឹកផ្លែឈើ សំពីងសំពោងលើសចំណុះ បានបើកទាក់ខ្សែភ្លើង បណ្តាលឲ្យបង្គោល មួយដើមដួលរលំ និងខ្សែភ្លើងជាច្រើន បានដាច់ធ្លាក់រាយប៉ាយពេញផ្លូវ កាលពីវេលាម៉ោង ៩និង២០ នាទីយប់ ថ្ងៃទី១៤ ខែតុលា ឆ្នាំ២០១៣ ទល់មុខខ្លោងទ្វារវត្ដសំរោងអណ្ដែត តាមបណ្ដោយផ្លូវភ្នំពេញ-ហាណូយ ស្ថិតក្នុងភូមិបាយ៉ាប សង្កាត់ភ្នំពេញថ្មី ខណ្ឌសែនសុខ ។
រថយន្ដបង្កហេតុម៉ាក ហ្វុយសូ ពណ៌ខៀវលាយស គ្មានស្លាកលេខ បើកបរដោយបុរសម្នាក់មិនស្គាល់អត្ដសញ្ញាណ អាយុប្រហែល ៣០ឆ្នាំ មិនដឹងជារថយន្ដរបស់ ក្រុមហ៊ុនឬបុគ្គលណានោះទេ បានបើកបរតាម បណ្ដោយផ្លូវភ្នំពេញ-ហាណូយ ក្នុងទិសដៅពីជើងទៅត្បូង ក្នុងល្បឿនលឿន ។ លុះមកដល់ចំណុចកើតហេតុ ក៏បានទាក់ខ្សែភ្លើង កាត់ទទឹងផ្លូវបណ្ដាលឱ្យ បាក់រលំបង្គោលភ្លើងមួយដើម ធ្វើឱ្យខ្សែភ្លើងដាច់ធ្លាក់រាយប៉ាយពេញផ្លូវ ។
ក្រោយបង្កហេតុ អ្នកបើកបរបានបន្ថែមល្បឿន យ៉ាងលឿនរហូតដល់ស្ដុបផ្សារដីហុយ ទើប ប្រជាពលរដ្ឋ ដេញតាមឃាត់បានទាំងរថយន្ដ និងអ្នកបើកបរ ប្រគល់ឱ្យសមត្ថកិច្ចចាត់ការ និងបានបញ្ជូនទៅអធិការដ្ឋាន ខណ្ឌសែនសុខចាត់ការបន្ដ។ ហេតុការណ៍នោះ បានបណ្តាលឲ្យប្រជាពលរដ្ឋ រស់នៅតំបន់ភ្នំពេញថ្មី ត្រូវដាច់ចរន្តអគ្គិសនីទាំងយប់៕
Source from: watphnom-news.com
Loading...
Post a Comment