រាជធានីភ្នំពេញ៖បុរសម្នាក់បានស្លាប់នៅនឹងកន្លែងនិង៣នាក់ទៀតរងរបួសដោយសារគ្រោះថ្នាក់ចរាចរណ៍រាជធានីភ្នំពេញ ៖ បុរសម្នាក់បានស្លាប់ នៅនឹងកន្លែង និង ៣ នាក់ទៀតរងរបួស ដោយសារគ្រោះថ្នាក់ចរាចរណ៍ បង្កឡើងដោយម៉ូតូ ៣ គ្រឿងបើកបុកគ្នាបន្តបន្ទាប់ កាលពីវេលាម៉ោង ៩ព្រឹកថ្ងៃទី០៨ ខែតុលា ឆ្នាំ២០១៣ នៅចំណុចផ្លូវចូល សាកលវិទ្យាល័យ ភូមិន្ទកសិកម្មចំការដូង ស្ថិតក្នុងភូមិខ្វា សង្កាត់ដង្កោ ខណ្ឌដង្កោ ។
សាក្សីបានឱ្យដឹងថា មុនពេលកើតហេតុ គេឃើញម៉ូតូឌ្រីមសេ១២៥ ស៊េរី២០១០ ពណ៌ខ្មៅ ពាក់ស្លាកលេខ ក្រចេះ 1A-9536 ជិះគ្នាពីរនាក់ បានធ្វើដំណើរពីលិចទៅកើត ។ លុះដល់ចំណុចកើតហេតុបានបើកជែង ម៉ូតូឌ្រីមស៊េរី៩៦ ពណ៌ខ្មៅ ពាក់ស្លាកលេខ ឌ៥១៤៤ ភព១ ជិះម្នាក់ឯង ស្របទិសគ្នា រួចក៏ជ្រុលទៅបុកម៉ូតូ ម៉ាកសេ ១០០ កូរ៉េ ជិះម្នាក់ឯងដែរ បញ្ច្រាសទិសគ្នា មួយទំហឹងតែម្តង។
ជនរងគ្រោះ ក្នុងហេតុការណ៍ គ្រោះថ្នាក់ចរាចរនេះ មានម្នាក់ជានិស្សិត សាកលវិទ្យាល័យ កសិកម្មចំការដូង បានរងរបួស។ ដោយឡែកអ្នករងគ្រោះ ដែលស្លាប់បាត់បង់ អាយុជីវិត និងអ្នករងរបួស គេនៅមិនទាន់ស្គាល់ អត្តសញ្ញាណនៅឡើយទេ៕
Source from: watphnom-news.com
Loading...
Post a Comment