ខេត្តបន្ទាយមានជ័យ៖ស្ត្រីវ័យកណ្ដាលម្នាក់បានបបួលប្ដីទៅបេះផ្លែអំពិលយកទៅលក់ដើម្បីបានប្រាក់ទិញអង្កច្រកឆ្នាំងតែប្ដីពុំព្រមទៅខឹងចិត្តក៏ជិះម៉ូតូទៅបេះផ្លែអំពិលខ្លួនឯងខេត្តបន្ទាយមានជ័យ ៖ ស្ត្រីវ័យកណ្ដាលម្នាក់ បានបបួលប្ដីទៅបេះ ផ្លែអំពិលយកទៅលក់ ដើម្បីបានប្រាក់ទិញអង្កច្រកឆ្នាំង តែប្ដីពុំព្រមទៅខឹងចិត្ត ក៏ជិះម៉ូតូទៅបេះផ្លែអំពិលខ្លួនឯង ស្រាប់តែបាត់នាងមួយយប់ និងមួយព្រឹកក៏ប្រទះឃើញ លង់ទឹកស្លាប់នៅចំណុច គោកឈើរទេះចម្ងាយ១.៥០០ម៉ែត្រពីភូមិប្រីយ៍ ឃុំទ្រាសស្រុកស្វាយចេក ខេត្តបន្ទាយមានជ័យ។
ស្ត្រីដែលលង់ទឹកស្លាប់នោះមានឈ្មោះ ឃុន សំនាង អាយុ៣៨ឆ្នាំ មានទីលំនៅភូមិប្រីយ៍ ឃុំទ្រាស ស្រុកស្វាយចេក ខេត្តបន្ទាយមានជ័យ មានប្ដីឈ្មោះ ស សឿត អាយុ ៤០ឆ្នាំ មានកូនស្រីម្នាក់អាយុ ១៥ឆ្នាំ។ បុរសជាប្ដី បានបំភ្លឺប្រាប់សមត្ថកិច្ចថា នៅវេលាម៉ោង ១០ព្រឹកថ្ងៃទី៣០ ខែតុលា ឆ្នាំ២០១៣ ស្ត្រីរងគ្រោះជាប្រពន្ធ បានបបួលគាត់ទៅបេះផ្លែអំពិល តែគាត់មិនបានទៅជាមួយទេ ដោយនិយាយថា គាត់ទៅបង់ត្រីវិញ។
ក្រោយពីបានឮសំដីប្ដីនិយាយដូច្នោះ ស្ត្រីជាប្រពន្ធបាននិយាយតបវិញថា មិនទៅក៏ហីទៅខ្ញុំទៅបេះផ្លែអំពិលម្នាក់ឯងក៏បានដែរ ពេលនោះស្ត្រីជនរងគ្រោះ ក៏បានទាញម៉ូតូជិះសំដៅ ទៅកន្លែងបេះផ្លែអំពិលបាត់ដំណឹងតែម្តង។ ដោយសារពុំឃើញ ប្រពន្ធត្រលប់មកផ្ទះវិញ បុរសជាប្តីបានដើរសួរអ្នកភូមិ ក៏នៅតែរកប្រពន្ធមិនឃើញទៀត ហើយយប្ដីក៏បានជិះម៉ូតូ ទៅរកនៅកន្លែងដែល ខ្លួនធ្លាប់បេះផ្លែអំពិលក៏ ប្រទះឃើញម៉ូតូ និងទ្រនាប់ជើងដែលប្រពន្ធពាក់ ជិតមាត់ប្រឡាយទឹក ពេលនោះប្ដីក៏បានចុះរាវ ក្នុងប្រឡាយទឹក នៅតែរកមិនឃើញ។
រហូតដល់ម៉ោង ១២និង១០ នាទីថ្ងៃត្រង់ថ្ងៃទី៣១ ខែតុលា ទើបឃើញសពអណ្ដែតទឹក ចម្ងាយពីកន្លែងទុកម៉ូតូប្រហែល ៥០០ម៉ែត្រ។ តាមការត្រួតពិនិត្យ នៅលើដងខ្លួនសាកសព ពុំឃើញមានស្លាកស្នាមអ្វី ទាក់ទងនិងមនុស្សឃាតឡើយ ហើយតាមការសន្និដ្ឋាន ស្ត្រីរងគ្រោះហែលឆ្លងកាត់អូរ ដែលមានទឹកអូរខ្មួលខ្មាញ់ទៅបេះផ្លែអំពិល នៅត្រើយម្ខាងអូរទើប បណ្ដាលឲ្យលង់ទឹកស្លាប់។ បន្ទាប់ពីពិនិត្យធ្វើកោសល្យវិច័យរួច សពត្រូវបានប្រគល់ជូនក្រុមគ្រួសារ ចាត់ចែងធ្វើបុណ្យតាមប្រពៃណី៕
Source from: watphnom-news.com
Loading...
Post a Comment