រាជធានីភ្នំពេញ៖អ្វីដែលប្រជាពលរដ្ឋខ្មែរនិងថៃបានទន្ទឹងដោយក្តីអន្ទះសារនោះបានមកដល់ហើយនៅពេលដែលតុលាការយុត្តិធម៌អន្តរជាតិក្រុងឡាអេនឹងប្រកាសលទ្ធផល រាជធានីភ្នំពេញ ៖ អ្វីដែលប្រជាពលរដ្ឋខ្មែរនិងថៃ បានទន្ទឹងដោយក្តីអន្ទះសារនោះ បានមកដល់ហើយ នៅពេលដែលតុលាការ យុត្តិធម៌អន្តរជាតិក្រុងឡាអេ នឹងប្រកាសលទ្ធផល នៃការបកស្រាយឡើងវិញ នូវសាលដីកាឆ្នាំ១៩៦២ លើសំណុំរឿងប្រាសាទព្រះវិហារ ទៅតាមពាក្យបណ្តឹងរបស់កម្ពុជា នៅវេលាម៉ោង ១៦ ល្ងាច ម៉ោងនៅកម្ពុជា ត្រូវនឹងម៉ោង ១០ ថ្ងៃត្រង់ នៅទីក្រុងឡាអេថ្ងៃទី១១ ខែវិច្ឆិកា ឆ្នាំ២០១៣ ។
ភាគីកម្ពុជាដឹកនាំ គណៈប្រតិភូដោយ លោក ហោ ណាំហុង រដ្ឋមន្ត្រីក្រសួងការបរទេសកម្ពុជា បានទៅចូលរួមស្តាប់ការប្រកាសលទ្ធផល នៃការបកស្រាយសាលដីកា ចំណែកភាគីថៃ ដឹកនាំដោយ លោក ស៊ូរ៉ាផុង តូវិចាក់ឆៃគុល ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេសថៃ ក៏បានដឹកនាំប្រតិភូ ធ្វើដំណើរទៅកាន់ តុលាការក្រុងឡាអេផងដែរ។
យ៉ាងណាក៏ដោយ កាលពីរាត្រីថ្ងៃទី០៧ ខែ វិច្ឆិកា ឆ្នាំ២០១៣ សម្តេចតេជោ ហ៊ុន សែន នាយករដ្ឋមន្ត្រី បានថ្លែង តាមរយៈវីដេអូរយៈពេល ១១និង៣០ នាទីដែលចាក់ផ្សាយតាម រយៈកញ្ចក់ទូរទស្សន៍ជាតិ ដោយបានអំពាវនាវ ឲ្យប្រជាពលរដ្ឋ និងកងកម្លាំងប្រដាប់ អាវុធការពារព្រំដែន បន្តរក្សាភាពស្ងប់ស្ងាត់ និងអត់ធ្មត់ឲ្យបានខ្ពស់ ដើម្បីរក្សាបាននូវសន្តិសុខ សន្តិភាព តាមបន្ទាត់ព្រំដែនកម្ពុជា-ថៃ។
ប្រទេសថៃ និងកម្ពុជា កំពុងតែបុកពោះដូចគ្នា បើទោះបីជាមេដឹកនាំ នៃប្រទេសទាំងពីរ បានប្រកាសអំពីគោលការណ៍សន្តិភាព និងស្ថិរភាព នៅតាមតំបន់ព្រំដែនក្តី។ លោកស្រី យីងឡាក់ ស៊ីណាវ៉ាត់ នាយករដ្ឋមន្ត្រី និងជារដ្ឋមន្ត្រីក្រសួងការពារជាតិ ត្រៀមខ្លួនធ្វើសេចក្តីថ្លែងការណ៍ភ្លាមៗ ក្រោយពេល តុលាការ បកស្រាយសាលដីការូចរាល់ ក្នុងគោលបំណងរក្សាសន្តិសុខ សណ្តាប់ធ្នាប់សាធារណ ខណៈដែលមានក្រុមជាតិនិយមមួយចំនួន ធ្វើការញុះញង់ បង្កអសន្តិសុខជាតិ។
គួរបញ្ជាក់ថា ថ្ងៃទី២៨ ខែមេសា កម្ពុជាប្តឹងទៅតុលាការ យុត្តិធម៌អន្តរជាតិទីក្រុងឡាអេ អំពីការឈ្លានពានរបស់កងទ័ពសៀម នៅតំបន់ប្រាសាទព្រះវិហារ និងប្តឹងសុំឲ្យធ្វើការបកស្រាយ សាលក្រមតុលាការក្រុងឡាអេចុះថ្ងៃ ១៥ មិថុនា ១៩៦២ ផងដែរ។ ព្រោះកាលពីថ្ងៃទី១៥ មិថុនា ឆ្នាំ១៩៦២ តុលាការយុត្តិធម៌អន្តរជាតិទីក្រុងឡាអេ បានកាត់សេចក្តីប្រគល់ ប្រាសាទព្រះវិហារ និងដីនៅម្តុំនោះ ជាកម្មសិទ្ធិរបស់ប្រទេសកម្ពុជារួចម្តងហើយ៕
Source from: watphnom-news.com
Loading...
Post a Comment