ខេត្តរតនគីរី៖ស្ត្រីម្នាក់បានស្លាប់ពេលបញ្ជូនទៅដល់មន្ទីរពេទ្យរីឯមនុស្ស៤នាក់ផ្សេងទៀតបានរងរបួសធ្ងន់ស្រាលក្នុងគ្រោះថ្នាក់ចរាចរណ៍មួយរវាងម៉ូតូនិងម៉ូតូខេត្តរតនគីរី ៖ ស្ត្រីម្នាក់បានស្លាប់ ពេលបញ្ជូនទៅដល់មន្ទីរពេទ្យ រីឯមនុស្ស៤នាក់ផ្សេងទៀត បានរងរបួសធ្ងន់ស្រាល ក្នុងគ្រោះថ្នាក់ចរាចរណ៍មួយ រវាងម៉ូតូនិងម៉ូតូ នៅលើផ្លូវចុះចំណោតមួយកន្លែង កាលពីវេលាម៉ោង ១១ព្រឹកថ្ងៃទី០១ខែវិច្ឆិកា ឆ្នាំ ២០១៣ ស្ថិតនៅភូមិថ្មដា សង្កាត់បឹងកន្សែង ក្រុងបានលុង ខេត្ដរតនគីរី ។
មុនពេលកើតហេតុគេឃើញ ម៉ូតូមួយគ្រឿង ម៉ាក ស៊ីរូស ជិះគ្នា ៣នាក់ក្នុងល្បឿនយ៉ាងលឿនឡើងចំណោទ លុះដល់ចំណុចកើតហេតុ បានបុកជាមួយម៉ូតូម៉ាក សេ១២៥ ជិះ២នាក់ប្ដី-ប្រពន្ធ ពេលកំពុងចុះចំណោទ ក៏បុកគ្នាពេញមួយទំហឹង បណ្ដាលឱ្យជនរងគ្រោះទាំង ៥នាក់ រងរបួសធ្ងន់ស្រាល ហើយម្នាក់បានស្លាប់ ពេលបញ្ជូនទៅដល់មន្ទីរពេទ្យ ។
អ្នកជិះម៉ូតូម៉ាក ស៊ីរូស ពណ៌ខ្មៅ គ្មានស្លាកលេខមានឈ្មោះ ម៉ាន រ៉ា អាយុ ១៨ឆ្នាំ រងរបួសស្រាល រីឯអ្នករួមដំណើរឈ្មោះ ខ្លោង ដេរ អាយុ ១៨ឆ្នាំ រងរបួសស្រាល និងអ្នកទៀតឈ្មោះ ម៉ាង និល អាយុ ១៧ឆ្នាំ រងរបួសធ្ងន់ ហើយជនរងគ្រោះទាំង ៣ រស់នៅភូមិប្រាក់១ ឃុំ សាមគ្គី ស្រុកអូរជុំ ។
ដោយឡែកជនរង គ្រោះ ២នាក់ ប្ដី-ប្រពន្ធ ជិះម៉ូតូម៉ាកសេ ១២៥ ពណ៌ខ្មៅ ពាក់ស្លាកលេខ រតនគីរី ១អា៨៦៦៨ ប្ដីឈ្មោះ ទ្រាវ អនតែម អាយុ ៣៥ឆ្នាំ ជនជាតិគ្រឹង និងប្រពន្ធឈ្មោះ សាង កាកហ៊ើយ អាយុ ២៥ឆ្នាំ រងរបួសធ្ងន់ ហើយបានស្លាប់ ពេលបញ្ជូនទៅដល់មន្ទីរពេទ្យ។ ជនរងគ្រោះទាំង ២នាក់ រស់នៅភូមិ ស្វាយ ឃុំប៉យ ស្រុកអូរជុំ ខេត្ដរតនគីរី ៕
Source from: watphnom-news.com
Loading...
Post a Comment