រថយន្តប្រណិត របស់ក្រុមហ៊ុន Range Rover ដែលជាក្រុមហ៊ុន ផលិតរថយន្ត របស់អង់គ្លេស បានបង្ហាញ ខ្លួននាពេលថ្មីៗនេះ ជាមួយនឹងថ្លៃដើម £140,000 ស្មើរនឹង ជិត 23 ម៉ឺនដុល្លារ សហរដ្ឋអាមេរិក។ តាមប្រភពពត៌មាន បានអោយដឹងថា រថយន្ត Range Rover មួយប្រភេទនេះ ផលិតឡើង ដោយមានលក្ខណៈពិសេស បំផុត ព្រោះវា ម៉ូដែល ដែលប្រៀបបានទៅនឹងយន្តហោះ ព្រោះថា ផ្នែកខាងក្នុង បំពាក់ទៅដោយ ឧបករណ៍ទំនើបៗជាច្រើន។ ក្នុងនោះផងដែរ Range Rover មួយនេះ មានបំពាក់ កៅអី ម៉ាស៉្សា ធ្នើ ដាក់កែវស្រា ក៍ដូចជា មានភ្លើងចំរុះពណ៌ ក្នុងរថយន្តរហូតដល់ទៅ ១០ពណ៌ឯណោះ។ ចំពោះផ្នែកខាងក្នុងរបស់វា បានប្រើប្រាស់ ឈើ និងធាតុផ្សំ ដ៍មានតំលៃជាច្រើនទៀត ដើម្បី លើកសម្រស់របស់រថយន្ត ដ៍ប្រណិតមួយនេះផងដែរ។ បើយើងនិយាយពី កំលាំងរបស់វាវិញ គឺវាមានម៉ាស៊ីន V8, 5.0L supercharged និងល្បឿនអតិបរមា 140mph ក្នុងនោះដែរ វាអាចរត់បានល្បឿន ពី 0-60mph ក្នុងរយៈពេល 5.5វិនាទីតែប៉ុននោះ។ គួរបញ្ជាក់ផងដែរថា រថយន្ត Range Rover មួយនេះនឹងត្រូវដាក់តាំង ក្នុងថ្ងៃទី ៥ ខែ វិច្ឆិការ ២០១៣ ខាងមុខនេះ ក្នុងកម្មវិធី Dubai International Motor Show ដែលស្ថិតនៅក្នុងទីក្រុង Dubai ប្រទេសអារ៉ាប់៕
khmer-note
Loading...
Post a Comment