ខេត្តប៉ៃលិន៖បន្ទាប់ពីមន្ត្រីគយចំនួន៣៣នាក់បានដាក់ពាក្យបណ្តឹងមកកាន់អង្គភាពប្រឆាំងអំពើពុករលួយក្រសួងសេដ្ឋកិច្ចនិងហិរញ្ញវត្ថុអគ្គនាយកដ្ឋានគយនិងរដ្ឋាករគេយល់ថាលោកខេត្តប៉ៃលិន ៖ បន្ទាប់ពីមន្ត្រីគយចំនួន ៣៣នាក់បានដាក់ពាក្យបណ្តឹង មកកាន់អង្គភាពប្រឆាំងអំពើពុករលួយ ក្រសួងសេដ្ឋកិច្ចនិងហិរញ្ញវត្ថុ អគ្គនាយកដ្ឋានគយនិងរដ្ឋាករ គេយល់ថាលោក អ៊ុក វណ្ណច័ន្ទ ជាប្រធានសាខាគយខេត្តប៉ៃលិននិងលោក លឹម សម្បត្តិ ជាប្រធានការិយាល័យគយ ប្រចាំច្រកអន្តរជាតិព្រំ ស្ថិតក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន មិនអាចគេចផុត ពីចំណាត់ការស៊ើបអង្កេតពាក់ព័ន្ធ នឹងអំពើពុករលួយ ឃុបឃិតឲ្យមានការហូរចូលទំនិញបង់ពន្ធមិនគ្រប់ និងការដឹកជញ្ជូនឈើគ្រញូងខុសច្បាប់ មកពីស្រុកសៀមនោះទេ។
បើយើងពិនិត្យលើគោលការណ៍ កែទម្រង់របស់រាជរដ្ឋាភិបាល ដែលគ្រោងនឹងបញ្ចប់នៅថ្ងៃទី៣០ ខែធ្នូ ខាងមុខនេះ ធ្វើឲ្យគេជឿជាក់ថា ដង្កូវចេញពីសាច់ ឬពាក្យបណ្តឹងចេញពី មន្ត្រីក្រោមឱវាទអាចជាដើមហេតុ ធំបំផុតនាំឲ្យលោក អ៊ុក វណ្ណច័ន្ទ និងលោក លឹម សម្បត្តិ ធ្លាក់ពីតំណែង ដោយសារតែការឃុបឃិត លួចបន្លំចំណូលពន្ធតាមរបៀប ពុករលួយលួចជាតិ។ មន្ត្រីតូចតាចនៅក្នុង សាខាគយខេត្តប៉ៃលិនចំនួន ៦នាក់ រួមទាំងមន្ត្រីគយប្រចាំការិយាល័យ ច្រកអន្តរជាតិព្រំ ចំនួន ២៧នាក់ បានស្រុះស្រួលគ្នាដាក់ពាក្យបណ្តឹង ដើម្បីបើកកកាយរឿងអាស្រូវ ពុករលួយរបស់លោក អ៊ុក វណ្ណច័ន្ទ និងលោក លឹម សម្បត្តិ គួរឲ្យភ្ញាក់ផ្អើលបំផុត ហើយវាជារឿងកម្រមួយ ក្នុងអង្គភាពគយ ព្រោះគេមិនដែលឃើញមន្ត្រីតូចតាច ហ៊ានចេញមុខប្តឹងមេរបស់ខ្លួន ពីរឿងអាស្រូវពុករលួយនោះទេ។
ប៉ុន្តែបើតាមសេចក្តីបញ្ជាក់ របស់មន្ត្រីគយតូចតាចជាច្រើន ដែលជាម្ចាស់ពាក្យបណ្តឹង បានអះអាងថា ថ្នាក់អនុប្រធានសាខា និងការិយាល័យគយប្រចាំច្រកព្រំ មួយចំនួនមិនហ៊ាន ចេញមុខប្តឹងលោក អ៊ុក វណ្ណច័ន្ទ និងលោក លឹម សម្បត្តិទេ ក៏ព្រោះតែថ្នាក់អនុប្រធានទាំងនោះ ទទួលបានផលប្រយោជន៍ ឬការបន្តក់ពីលោក អ៊ុក វណ្ណច័ន្ទ និងលោក លឹម សម្បត្តិ ប៉ុន្តែសម្រាប់មន្ត្រីគយស័ក្តិស ឬមន្ត្រីគយសាមញ្ញ គ្មានប្រាក់ច្រកហោប៉ៅនោះទេ ដោយសារតែថ្នាក់លើរបស់ពួកគេ ស៊ីដាច់តាមរបៀបកេងប្រវ័ញ្ចឆៅៗតែម្តង។ មន្ត្រីគយមួយចំនួនទៀត បានបង្ហើបឲ្យដឹងថា លោក អ៊ុក វណ្ណច័ន្ទ និងលោក លឹម សម្បត្តិមិនដែលឈឺក្បាលវិលមុខ ពីវិធានការកែទម្រង់លើការប្រមូលពន្ធ ឲ្យបាន ១០០ភាគរយ នោះទេ។
លោក អ៊ុក វណ្ណច័ន្ទ និងលោក លឹម សម្បត្តិ បានឃុបឃិតគ្នា ធ្វើអ្វីៗទៅតាមតែទំនើងចិត្ត និងតាមទម្លាប់ចាស់ ដែលពួកគេធ្លាប់បានធ្វើ ដើម្បីប្រមូលលុយច្រកហោប៉ៅ តាមរបៀបពុករលួយ ដែលពេលខ្លះសូម្បីតែប្រាក់ចំណូល ជាផែនការរបស់អគ្គនាយកគយនិងរដ្ឋាករ ក៏លោក អ៊ុក វណ្ណច័ន្ទ និងលោក លឹម សម្បត្តិ ប្រមូលមិនបានគ្រប់ចំនួនផង ដោយយកលេសថា នៅស្រុកសៀម ឬនៅតាមព្រំដែនមានបញ្ហាចម្រូងចម្រាស។ ប្រភពចំណូលសំខាន់ៗ របស់លោក អ៊ុក វណ្ណច័ន្ទ និងលោក លឹម សម្បត្តិ បានមកពីការឃុបឃិត ឲ្យក្រុមឈ្មួញទាំងតូចទាំងធំ ដឹកជញ្ជូនឈើគ្រញូង ចូលប្រទេសកម្ពុជាយ៉ាងអនាធិបតេយ្យបំផុត ហើយទង្វើនេះគឺជាការផ្គើនបំផុត ទៅនឹងបទបញ្ជា ០០២របស់រាជរដ្ឋាភិបាល។
លោក អ៊ុក វណ្ណច័ន្ទ និងលោក លឹម សម្បត្តិ ក៏បានត្រូវដៃត្រូវជើង ជាមួយគ្នាផងដែរ ក្នុងការក្លែងភេទទំនិញ និងយោគយល់ឲ្យក្រុមឈ្មួញ ដែលមានភាពជិតដិត ជាមួយពួកគេ នាំចូលទំនិញដោយបង់ពន្ធមិនគ្រប់ ដែលករណីខ្លះទំនិញដែលនាំចូល ត្រូវបង់ពន្ធក្នុងតម្លៃខ្ពស់ តែមានការក្លែងភេទទំនិញ ទៅជាបង់ពន្ធក្នុងកម្រិតទាប និងមិនបានគ្រប់ចំនួនទៅទៀត ដូចជាករណីឈ្មួញមួយចំនួន ដែលនាំចូលទំនិញ មានចំណុះជាង ៥០តោន គេសរសេរក្នុងវិក្កយបត្របង់ពន្ធ ប្រមាណ ២០ទៅ៣០ តោនប៉ុណ្ណោះ ធ្វើឲ្យរដ្ឋខាតបង់ចំណូលពន្ធផ្ទួនៗ តាមរយៈការក្លែងភេទទំនិញ និងការលួចបរិមាណទំនិញ។ មន្ត្រីតូចតាចជាច្រើនរង់ចាំស្វាគមន៍ ការចុះទៅស៊ើបអង្កេតពីភាពមិនប្រក្រតី និងអំពើពុករលួយរបស់លោក អ៊ុក វណ្ណច័ន្ទ និងលោក លឹម សម្បត្តិ ព្រោះសូម្បីតែសមត្ថកិច្ចដទៃ ដែលមានវត្តមានប្រចាំការនៅច្រកព្រំ ក៏មិនសប្បាយចិត្តចំពោះ ចំណាត់ការពុករលួយនោះដែរ៕
Source from: watphnom-news.com
Loading...
Post a Comment