ខេត្តបន្ទាយមានជ័យ៖កងរាជអាវុធហត្ថខេត្តបន្ទាយមានជ័យបានចុះធ្វើការស្រាវជ្រាវនិងចាប់ឃាត់ខ្លួនជនសង្ស័យបាន៣នាក់ក្នុងចំណោមខេត្តបន្ទាយមានជ័យ ៖ កងរាជអាវុធហត្ថ ខេត្តបន្ទាយមានជ័យ បានចុះធ្វើការស្រាវជ្រាវ និងចាប់ឃាត់ខ្លួនជនសង្ស័យបាន ៣នាក់ ក្នុងចំណោម ១០នាក់ កាលពីវេលាម៉ោង ៩និង៣០ នាទីព្រឹកថ្ងៃទី៣ ខែធ្នូ ឆ្នាំ២០១៣ នៅភូមិប៉ោយចារឃុំគុត្តសត ស្រុកអូរជ្រៅ ខេត្តបន្ទាយមានជ័យ ទាក់ទិនករណី ចាប់រំលោភនារីអាយុ ១៨ឆ្នាំម្នាក់ រហូតបានសំរេចគ្រប់ៗគ្នា ដើម្បីកសាងសំណុំរឿង បញ្ជូនទៅកាន់តុលាការ។
ជនសង្ស័យទាំង ៣ នាក់នោះរួមមាន ១-ឈ្មោះ រិទ្ធ សុភាព ហៅធា ភេទប្រុស អាយុ ១៨ឆ្នាំជាជនដៃដល់ និងជាអ្នកដែលចាប់រំលោភ ស្ត្រីរងគ្រោះមុនគេ ២-ឈ្មោះ ឃួន វុទ្ធីសែន ហៅក្រឹម ភេទប្រុស អាយុ ១៩ឆ្នាំ ៣-ឈ្មោះ ញឹម ធ្នូ ហៅនូ ភេទប្រុស អាយុ ១៩ឆ្នាំ ទាំង ៣នាក់នោះសុទ្ធតែជាសិស្សសាលាទាំងអស់ ហើយបច្ចុប្បន្នរស់នៅភូមិ រស្មីមានជ័យឃុំ ទួលពង្រ ស្រុកម៉ាឡៃ ខេត្តបន្ទាយមានជ័យ។
ចំណែកនារីរងគ្រោះ ដែលត្រូវជនក្មេងទំនើង ចំនួន ១០នាក់ ចាប់រំលោភបានសំរេច ទាំងអស់គ្នានោះមានឈ្មោះ ពីវ ណាង អាយុ ១៨ឆ្នាំ រស់នៅភូមិរស្មីមានជ័យ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ ខណៈដែលនាងត្រលប់មកពី មើលគេបញ្ចាំងកុន ក្នុងវត្តរស្មីមានជ័យ តែម្នាក់ឯងនៅម៉ោង ១០និង៣០ នាទីយប់ថ្ងៃទី២៩ ខែវិច្ឆិកា ឆ្នាំ២០១៣ ស្រាប់តែម៉ូតូដាច់ច្រវាក់ ក៏ត្រូវក្មេងទំនើងទាំង ១០នាក់បានចាប់អូសនាង យករំលោភម្ដងម្នាក់ៗអស់ចិត្តរៀងៗខ្លួន ក៏គេចខ្លួនបាត់អស់។
ក្មេងទំនើងទាំង ៣នោះបានឆ្លើយសារភាពថា ខ្លួនបានចាប់រំលោភ ស្ត្រីរងគ្រោះពិតប្រាកដមែន ហើយដោយយោងតាម ចម្លើយសារភាពរបស់ជនសង្ស័យ កងរាជអាវុធហត្ថ ខេត្តបន្ទាយមានជ័យ បានកសាងសំណុំរឿងបញ្ជូន ទៅកាន់តុលាការដើម្បីដាក់ទោស ទៅតាមផ្លូវច្បាប់។ចំណែកបក្ខពួកទាំង ៧នាក់ដែលរត់រួចនោះ អាវុធហត្ថខេត្តបន្ទាយមានជ័យ កំពុងតាមស្វែងរកចាប់ខ្លួន ដើម្បីនាំមកដាក់ទោស អោយទាល់តែបាន បើទោះបីជាពួកគេ បានរត់គេចខ្លួនយ៉ាងណាក៏ដោយ៕
Source from: watphnom-news.com
Loading...
Post a Comment