រាជធានីភ្នំពេញ៖សារអាលោះអាល័យរៀបរាប់ពីការព្រាត់ប្រាស់យំបោកខ្លួនដូចសត្វអកព្រាត់គូបានក្លាយជារឿងសោកនាដកម្មថ្មីមួយទៀតក្នុងបណ្តាញសង្គមហ្វេសប៊ុករាជធានីភ្នំពេញ ៖ សារអាលោះអាល័យ រៀបរាប់ពីការព្រាត់ប្រាស់ យំបោកខ្លួនដូចសត្វអកព្រាត់គូ បានក្លាយជារឿង សោកនាដកម្មថ្មីមួយទៀត ក្នុងបណ្តាញសង្គមហ្វេសប៊ុក បន្ទាប់ពីបុរសម្នាក់ដែល នៅសល់តែមួយខែទៀត ចូលរោងការនោះ ត្រូវបានរថយន្តដឹកខ្សាច់ ១គ្រឿង បើកបរមកកៀរ និងកិនចំពាក់កណ្តាលខ្លួន បណ្តាលអោយស្លាប់ភ្លាមៗ នៅនឹងកន្លែង កាលពីវេលាម៉ោង ២ និង១០នាទីរសៀលថ្ងៃទី៨ ខែធ្នូ ឆ្នាំ២០១៣ នៅមុខវិទ្យាស្ថាន សុខភាពជាតិសាធារណៈ មហាវិថីសេនាប្រមុខ គីមអ៊ីលស៊ុង សង្កាត់បឹងកក់ទី២ ខណ្ឌទួលគោក ខាងជើងផ្សារ៧មករា នាំឲ្យនារីម្នាក់ត្រូវ មេម៉ាយខាន់ស្លាទាំងក្មេងខ្ចី។
រថយន្តបង្កជាប្រភេទធុនធំដឹកខ្សាច់ ពណ៌ក្រហម ពាក់ស្លាកលេខ ភ្នំពេញ ៣A១៥៧៤ បើកបរដោយបុរសម្នាក់ឈ្មោះ នុត ណាត បម្រើការងារនៅ ដេប៉ូលក់គ្រឿងសំណង់ និងខ្សាច់ យីហោ «នីហេង» ស្នាក់នៅ សង្កាត់ចោមចៅ ខណ្ឌពោធិ៍សែនជ័យ ត្រូវបានសមត្ថកិច្ច ធ្វើការឃាត់ខ្លួនភ្លាមៗ។ រថយន្តបង្កមួយគ្រឿងនេះ បានបើកទៅបុកម៉ូតូ ប្រភេទធំម៉ាក PULSAR និងកិនម្ចាស់ឈ្មោះ ថៃ ភក្តី អាយុ ២៦ឆ្នាំ រស់នៅផ្ទះលេខ៤B សង្កាត់បឹងកក់ទី១ ខណ្ឌទួលគោក បណ្តាលអោយស្លាប់ភ្លាមៗ នៅនឹងកន្លែងកើតហេតុ។
រថយន្តបង្ក និងម៉ូតូជនរងគ្រោះ បានបើកបរស្របទិសគ្នា តាមបណ្តោយផ្លូវ គីមអ៊ីលស៊ុង ក្នុងទិសដៅពីត្បូងមកជើង លុះមកដល់ចំណុចកើតហេតុ ស្រាប់តែម៉ូតូជនរងគ្រោះ បានប៉ះដៃចង្កូតជាមួយ ម៉ូតូមួយគ្រឿងទៀត បណ្តាលឲ្យដួលទាំងពីរគ្រឿង ហើយគាប់ជួនពេលនោះ រថយន្តមកដល់បានកិនជនរងគ្រោះ ចំពាក់កណ្តាលខ្លួនស្លាប់តែម្តង។ ក្រោយពេលកើតហេតុ រថយន្តបង្កបានបើកបររត់គេច បានជាង ១០០ម៉ែត្រ ដល់ចំណុចក្រោយ សាលាបឋមសិក្សាទួលគោក ក៏ត្រូវសមត្ថកិច្ចប៉ូលិស ចាប់បានទាំងរថយន្ត និងអ្នកបើកបរតែម្តង ៕
Source from: watphnom-news.com
Loading...
Post a Comment