ខេត្តកំពង់ចាម៖លោកនួនគឹមហេងបានកាន់តំណែងជាអនុប្រធានមន្ទីរសាធារណការខេត្តកំពង់ចាមខេត្តកំពង់ចាម ៖ លោក នួន គឹមហេង បានកាន់តំណែងជា អនុប្រធានមន្ទីរសាធារណការ ខេត្តកំពង់ចាម ឡើងដុះស្លែទៅហើយ គឺគាត់មានបុព្វសិទ្ធិពិសេស ក្នុងការគ្រប់គ្រងប្រាក់ ចំណូលសេដ្ឋកិច្ច យកមកផ្គត់ផ្គង់ បែងចែកថ្នាក់ដឹកនាំមន្ទីរ តាមគ្រប់មធ្យោបាយ ហើយគេដឹងថាចំណូលដ៏ធំបំផុត របស់លោក នួន គឹមហេង មាន២ផ្នែកធំៗគឺការគ្រប់គ្រងជញ្ជីង ថ្លឹងរថយន្តនៅចំណុចថ្នល់កែង ស្រុកបាធាយ និងនៅចំណុចថ្នល់ទទឹង ក្នុងស្រុកត្បូងឃ្មុំ ហើយម្តងម្កាល លោក នួន គឹមហេង ក៏បានបង្កើតទីតាំងចល័ត ដើម្បីគាបស៊ីក្រុមឈ្មួញ ដឹកទំនិញតាមផ្លូវនានា ហើយប្រភពចំណូលសំខាន់ មួយទៀតនោះ គឺការធ្វើស្លាកលេខយានយន្ត និងការបញ្ចេញប័ណ្ណបើកបរ តាមរបៀបពុករលួយផងដែរ។
សម្តេច ហ៊ុន សែន បានប្តេជ្ញាជាថ្មីម្តងទៀតថា នឹងមិនអត់ឱនឬយោគយល់ ចំពោះមន្ត្រីពុករលួយណាម្នាក់ឡើយ ដូច្នេះភាពអសកម្ម និងអំពើពុករលួយ រាប់សិបឆ្នាំរបស់លោក នួន គឹមហេង គួរតែជាកម្មវត្ថុដែលត្រូវ ស៊ើបអង្កេតឲ្យបានស៊ីជម្រៅឡើងវិញ ជាការរួមចំណែក អនុវត្តការប្តេជ្ញាចិត្ត របស់លោក ហ៊ុន សែន ឲ្យទទួលបានជោគជ័យ។ ទោះជាមានការផ្លាស់ប្តូរ អភិបាលខេត្តកំពង់ចាម ក៏លោក នួន គឹមហេង នៅតែអនុវត្តន៍រូបមន្តដដែលៗ ក្នុងការរកលុយចែកគ្នា ធ្វើមានធ្វើបានផ្ទាល់ខ្លួន គេមិនដែលឃើញលោក លន់ លឹមថៃ ជាអភិបាលខេត្ត លោក ត្រាំ អ៊ីវតឹក ជារដ្ឋមន្ត្រីក្រសួងសាធារណការ ឮមាត់ឮកម្តងណាឡើយ ទុកឲ្យលោក នួន គឹមហេង ធ្វើអ្វីៗតាមតែអំពើចិត្ត ។
ក្រុមអ្នករកស៊ីដឹកជញ្ជូនទំនិញ ធ្លាប់បាននាំគ្នាប្រមូលផ្តុំ នៅមុខសាលាខេត្តកំពង់ចាម ដើម្បីបកអាក្រាតរឿងអាស្រូវ ពុករលួយរបស់លោក នួន គឹមហេង ក្នុងការប្រើប្រាស់ទីតាំង ជញ្ជីងថ្លឹងរថយន្តទាំងចល័ត និងអចល័ត ជាប្រយោជន៍ផ្ទាល់ខ្លួន ហើយកាលពីពេលថ្មីៗនេះ ស្ត្រីអាជីវករម្នាក់ បានធ្វើលិខិតប្តឹងផ្តល់ក្រុមជញ្ជីងចល័តរបស់លោក នួន គឹមហេង ផ្អើលដល់អភិបាលខេត្ត លន់ លឹមថៃ ផងដែរ។ គេនៅតែគ្មានសង្ឃឹមថា រដ្ឋមន្ត្រីក្រសួងសាធារណការ ហ៊ានធ្វើអ្វីលោក នួន គឹមហេង នោះទេ បើទោះបីជាគាត់បានប្រព្រឹត្ត អំពើខុសឆ្គងសឹងរាប់ភ្លេច ទៅហើយក៏ដោយ គឺទំនងណាស់ដែលថា ផលប្រយោជន៍ដែលលោក នួន គឹមហេង ប្រមូលបានក៏មានការ បែងចែកជូនថ្នាក់លើទើបអ្វីៗ អាចដំណើរការដោយរលូនល្អ គ្មាននរណាហ៊ានចាប់កំហុសលោក នួន គឹមហេង។
ក្រុមអ្នករកស៊ីដឹកជញ្ជូនទំនិញ បានអះអាងថា លោក នួន គឹមហេង បានបង្កើតក្រុមថ្លឹងរថយន្តចល័ត ដែលប្រើប្រាស់ជញ្ជីងកាស្យូ ធុនតូច ដើម្បីដើរល្បាតរកលុយ តាមដងផ្លូវទាំងតូចទាំងធំ នៅទូទាំងខេត្តកំពង់ចាម ហើយក្រុមជញ្ជីងចល័តនេះ កាប់ឆៅតែម្តង ដូចដែលក្រុមអាជីវករ រកស៊ីដឹកជញ្ជូនកសិផលមកពីខេត្តឧត្តរមានជ័យ និងខេត្តព្រះវិហារ បានរៀបរាប់ថា រថយន្តយីឌុប ដែលអាចផ្ទុកទម្ងន់ ច្រើនបំផុតត្រឹម ៣៥តោន មិនអាចលើសពីនេះបានទេ ហើយពួកគាត់ដឹកជញ្ជូន តាមដងផ្លូវ បានឡើងជញ្ជីងថ្លឹងរថយន្ត ក្នុងខេត្តសៀមរាប និងខេត្តកំពង់ធំ គឺមិនមានលើសទម្ងន់ទេ ប៉ុន្តែពួកគាត់នៅតែបង់លុយតាមមនោសញ្ចេតនា សម្រាប់ថ្លៃបាយទឹក ឲ្យក្រុមជញ្ជីងថ្លឹងរថយន្ត ទាំងនោះ ១ម៉ឺន ឬ២ម៉ឺនរៀល។
ប៉ុន្តែនៅពេលរថយន្ត ដឹកកសិផលរបស់ពួកគាត់ ឆ្លងចូលខេត្តកំពង់ចាម ជួបជញ្ជីងចល័តរបស់លោក នួន គឹមហេង គេចាប់ថ្លឹងឃើញទម្ងន់ឡើងដល់ ៤៥តោន នាំឲ្យមានការភ្ញាក់ផ្អើលគ្រប់ៗគ្នា មិនដឹងជាជញ្ជីងចល័តនោះ ទិញយកមកពីណាទេ ព្រោះវាស៊ីទម្ងន់ដល់ទៅជាង ១០តោនឯណោះ ហើយក្រុមជញ្ជីងចល័តរបស់លោក នួន គឹមហេង បានបង្ខំឲ្យអាជីវករបង់លុយ ក៏កើតមានការឈ្លោះប្រកែកគ្នា និងរឹបអូសយករថយន្តនោះ មករក្សាទុកដើម្បីគំរាម បង្ខំឲ្យបង់ប្រាក់ពិន័យ។ ក្រុមអ្នករកស៊ីដឹកទំនិញ បានទាមទារ ឲ្យលោក នួន គឹមហេង រកជញ្ជីងត្រឹមត្រូវមកថ្លឹង ឲ្យមានយុត្តិធម៌ ប៉ុន្តែលោក នួន គឹមហេង បានបដិសេធដោយអះអាងថា ជញ្ជីងដែលគាត់យកទៅ ប្រើប្រាស់តាមប៉ុស្តិ៍ចល័តនោះ យកមកពីក្រសួងសាធារណការ ដែលជាជញ្ជីងត្រឹមត្រូវ។
ក្រុមអាជីវករមិនអស់ចិត្តនោះទេ ព្រោះគាត់បានថ្លឹងរថយន្ត នៅក្នុងខេត្តសៀមរាប និងនៅក្នុងខេត្តកំពង់ធំ មិនឃើញមានលើសទម្ងន់ផង ហើយបើបូកសរុបទាំងរថយន្ត និងកសិផល ដែលគាត់ប្រមូលទិញ ដឹកយកមកលក់ មានទម្ងន់មិនលើសពី ៣៥តោនទេ ហេតុអ្វីបានជាជញ្ជីងចល័ត របស់លោក នួន គឹមហេង ថ្លឹងឃើញដល់ទៅ ៤៥តោន គួរឲ្យភ្ញាក់ផ្អើលបែបនេះទៅវិញ។ លោក នួន គឹមហេង ក៏ទទួលបានផលប្រយោជន៍ យ៉ាងច្រើនក្រាស់ក្រែលតាមរយៈ ការចាត់តាំងមន្ត្រីជំនិតរបស់គាត់ ឲ្យចុះទៅគ្រប់គ្រងដោយផ្ទាល់នៅ ស្ថានីយ៍ថ្លឹងរថយន្តថ្នល់ទទឹង ស្ថិតនៅក្នុងឃុំជប់ ស្រុកត្បូងឃ្មុំ និងស្ថានីយ៍ថ្លឹងរថយន្តមួយទៀត នៅឃុំថ្នល់កែង ស្រុកបាធាយ ខេត្តកំពង់ចាម ដែលនៅទីនោះ ទាំងរថយន្តផ្ទុកលើសទម្ងន់ និងមិនលើសទម្ងន់ សុទ្ធតែត្រូវបង់លុយទៅតាម ចំនួនដែលបានកំណត់។
លោក នួន គឹមហេង មានឱកាសប្រមូលលុយ ពីទីតាំងជញ្ជីងថ្លឹងរថយន្តទាំង ២កន្លែងនេះ តាមរបៀបពុករលួយ បានលុយរាប់សិបលានរៀល ក្នុងមួយថ្ងៃៗ ព្រោះតាមដងផ្លូវជាតិលេខ៦ និងលេខ៧ មានរថយន្តដឹកជញ្ជូនទំនិញ គ្រប់ប្រភេទក្នុងមួយថ្ងៃៗ រាប់ពាន់គ្រឿង ជាពិសេសនៅពេលយប់ មានរថយន្តដឹកទំនិញ រាប់មិនអស់ទេ។ លោក នួន គឹមហេង ក៏បែកគំនិតបង្កើតស្ថានីយ៍ ថ្លឹងរថយន្តចល័តមួយទៀត ដើម្បីប្រមូលលុយដុំ ហើយជញ្ជីងចល័តមួយនេះ ត្រូវបានក្រុមអ្នកដឹកជញ្ជូនទំនិញអះអាងថា ថ្លឹងពេលណាក៏ឃើញលើសទម្ងន់ ដល់ទៅជាង ១០តោនឯណោះ ហើយបើពិន័យឲ្យបង់លុយក្នុង១តោន ១លានរៀល ក៏មិនដឹងជាយកលុយ ទៅណាអស់ដែរ ប៉ុន្តែគេទទួលស្គាល់ថា លោក នួន គឹមហេង មានទេពកោសល្យ ក្នុងការប្រមូលលុយតាម របៀបពុករលួយទើបគាត់ មានបុព្វសិទ្ធិយ៉ាងពិសេស៕
Source from: watphnom-news.com
Loading...
Post a Comment