ប្រទេសចិន៖លោកTangGuoនិងភរិយាប្រទេសចិន ៖ លោក Tang Guo និងភរិយា Jiang Peicui ជាមហាសេដ្ឋីដែលប្រសូតចេញ ពីត្រកូលក្រីក្រតោកយ៉ាក បំផុតនៅតំបន់ Gao Xing ខេត្ត San Ton ។ យោងតាមគេហទំព័រ ស៊ីនហួរបានបង្ហាញ ពីខ្សែជីវិតរបស់លោក
Tang Guo កាលណោះគឺរយៈពេល២០ ឆ្នាំ មុននេះ លោក Tang Guo និងភរិយា Jiang Peicui បានចាកចោល ភូមិកំណើតដ៏សែនក្រីក្រ នៅ Gaoxing ខេត្ត សានតុង ទៅកាន់ខេត្ត វូណាន ដើម្បីរកស៊ីប្រៀបដូចជា អ្នកចំណាកស្រុកម្នាក់ ។ ពួកគេបានសុំចូល ធ្វើការនៅក្រុមហ៊ុន សំណង់១ ។
លោក Tang ធ្វើការយ៉ាងអំណត់ព្យាយាម មិនយូរប៉ុន្មានក្រោយមក ក៏បានឡើងកាន់តំណែងជានាយក ។ ក្រោយមកទៀត គាត់ ក៏បានបង្កើតក្រុមហ៊ុនផ្ទាល់ខ្លួន ។ ៥ ឆ្នាំមុននេះ ក្រុមហ៊ុនរបស់លោក បានក្លាយជាសម្ព័ន្ធក្រុមហ៊ុន ដែលមានក្រុមហ៊ុនចំណុះជាង ២០ ក្រុមហ៊ុន ឯកទេសខាងសាងសង់ ដឹកជញ្ជូន ផលិតភាពយន្ត និងកម្មវិធីទូរទស្សន៍ ។
លោកតែងតែនឹកដល់ ភូមិកំណើតដ៏ក្រីក្រតោកយ៉ាក រួចក៏សម្រេចចិត្តសាងសង់ភូមិគ្រឹះ ៦៩ ខ្នង មានតម្លៃ ៣០០,០០០ យ៉ន់ ជាកាដូសម្រាប់ពលរដ្ឋ នាស្រុកកំណើត របស់លោក។ ប្រជាពលរដ្ឋនៅភូមិនោះ ពិតជាមានសំណាង ដោយសេដ្ឋីចិត្តធម៌នេះ ព្រោះផ្ទះថ្មី មានភ្លើងអគ្គិសនីគ្រប់គ្រាន់ ព្រមទាំងផ្លូវចេញចូលយ៉ាងល្អប្រសើរ ៕
Source from: watphnom-news.com
Loading...
Post a Comment